اكتوبە وبلىسى, حرومتاۋ اۋدانى – «بولاشاق» شاحتاسىنىڭ ءوندىرۋ بلوگىندا اۋا ورتاسىنىڭ قىسقا مەرزىمدى تۇتانۋى سالدارىنان ءۇش جۇمىسشى كۇيىك العان, دەپ حابارلايدى Egemen.kz كاسىپورىننىڭ ءباسپاسوز قىزمەتىنە سىلتەمە جاساپ.
وقيعا قۇرىلىس جۇمىستارىن جۇرگىزىپ جاتقان كەزەكشى ەلەكتر شەبەرلەرى اراسىندا بولعان. ءۇش قىزمەتكەر بەتى مەن قولىنان اۋىر كۇيىك جاراقاتتارىن الىپ, جەدەل تۇردە حرومتاۋ اۋداندىق ورتالىق اۋرۋحاناسىنا جەتكىزىلدى. قازىر ولارعا قاجەتتى مەديتسينالىق كومەك كورسەتىلىپ جاتىر.
كاسىپورىن ءباسپاسوز قىزمەتىنىڭ مالىمەتىنشە, جارالانعان قىزمەتكەرلەردىڭ جاعدايى باقىلاۋدا جانە جەتەكشى دارىگەرلەر مەن تۋعان-تۋىستارىمەن تۇراقتى بايلانىس ورناتىلعان.
وقيعانىڭ سەبەبى مەن ناقتى جاعدايى انىقتالىپ جاتىر.
جانەل تولەۋبەكوۆا, ەۇۋ ستۋدەنتى