پرەمەر-ءمينيستردىڭ ءبىرىنشى ورىنباسارى رومان سكليار دانيا كورولدىگىنىڭ رەسەي فەدەراتسياسىنداعى, قازاقستان رەسپۋبليكاسىنداعى جانە تۇرىكمەنستانداعى توتەنشە جانە وكىلەتتى ەلشىسى قىزمەتىن قوسا اتقارۋشى يەسپەر ۆارمەن كەزدەسۋ وتكىزدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
كەزدەسۋ بارىسىندا تاراپتار الماتى وبلىسىندا الكوگولسىز سۋسىندار شىعاراتىن زاۋىت سالۋ جونىندەگى ينۆەستيتسيالىق جوبانى ىسكە اسىرۋدى تالقىلادى.
قازاقستاندا قۋاتى جىلىنا 340 ملن ليتر سۋسىن, جالپى قۇنى $250 ملن-نان استام, 500 جۇمىس ورنىن اشۋ كوزدەلگەن الكوگولسىز سۋسىندار شىعاراتىن زاۋىت سالۋ بويىنشا Carlsberg Group پەن PepsiCo كومپانياسىنىڭ بىرلەسكەن جاڭا جوباسىن ىسكە اسىرۋ جوسپارلانىپ جاتىر.
دانيا كورولدىگىنىڭ توتەنشە جانە وكىلەتتى ەلشىسى ي.ۆار جوعارى تەحنولوگيالىق وندىرىستىك كەشەندى قۇرۋ اۋىل شارۋاشىلىعى ونىمدەرىنىڭ قوسىلعان قۇنىن ەداۋىر ارتتىرۋعا, ىلەسپە سالالاردىڭ دامۋىن ىنتالاندىرۋعا, وتاندىق تاۋار وندىرۋشىلەر ءۇشىن تۇراقتى وتكىزۋ نارىعىن اشۋعا, سونداي-اق ەلىمىزدىڭ ەكسپورتتىق الەۋەتىن نىعايتۋعا مۇمكىندىك بەرەتىنىنە سەندىردى.