اقش پرەزيدەنتى دونالد ترامپ عالامتور كەڭىستىگىندە رۇقساتسىز جاريالانعان ينتيمدىك مازمۇنداعى فوتوسۋرەتتەر مەن بەينەماتەريالدارعا, سونداي-اق جاساندى ينتەللەكت ارقىلى جاسالعان ديپفەيكتەرگە تىيىم سالاتىن جاڭا زاڭعا قول قويدى, دەپ جازادى Egemen.kz.
قۇجاتقا سايكەس, ەندى مۇنداي كونتەنتتى تاراتۋ قىلمىستىق ارەكەت دەپ تانىلىپ, زاڭ الدىندا جاۋاپقا تارتىلاتىن بولادى. سونداي-اق, ينتەرنەت-پلاتفورمالار مەن الەۋمەتتىك جەلىلەر جابىرلەنۋشىلەردەن شاعىم تۇسكەن جاعدايدا, ەكى تاۋلىك ىشىندە سايكەس ماتەريالدى وشىرۋگە مىندەتتى.
اتالعان زاڭنىڭ قابىلدانۋىنا اقش-تىڭ ءبىرىنشى حانىمى مەلانيا ترامپ تا ءوز ىقپالىن تيگىزگەن. ول ناۋرىز ايىندا كاپيتوليگە بارىپ, كونگرەسس وكىلدەرىن باستامانى قولداۋعا شاقىرعان بولاتىن. ونىڭ ارالاسۋى ناتيجەسىندە قۇجات زاڭدى تۇردە بەكىتىلدى.