شىعىس قازاقستان وبلىسىنان كەلگەن دەلەگاتسيا قحر سينتسزيان-ۇيعىر اۆتونوميالىق اۋدانىنا ساپارى اياسىندا التاي ايماقتىق ءداستۇرلى قىتاي مەديتسيناسى اۋرۋحاناسىندا بولدى, دەپ جازادى Egemen.kz.
التاي ايماقتىق ءداستۇرلى قىتاي مەديتسيناسى اۋرۋحاناسى – ەمدەۋ, شۇعىل كومەك, وڭالتۋ, ءبىلىم بەرۋ جانە عىلىمي زەرتتەۋدى بىرىكتىرەتىن ءۇشىنشى دەڭگەيلى كوپسالالى مەديتسينالىق مەكەمە.
اۋرۋحانا وكىلدەرىنىڭ ايتۋىنشا, مەكەمە سۇاا اۋماعىندا كلينيكالىق قازاق مەديتسيناسى, دارىلىك زاتتاردى ازىرلەۋ جانە ماماندار دايارلاۋ سالاسىندا جەتەكشى ورىن الادى.
قازىرگى ۋاقىتتا اۋرۋحانادا اۆتونوميالىق اۋداننىڭ ليتسەنزياسى بار 28 ءتۇرلى اۋرۋحاناىشىلىك وندىرىستەگى دارىلىك پرەپارات بار. سونىمەن قاتار, وندا GE كومپانياسىنىڭ 64 ءتىلىمدى كومپيۋتەرلىك توموگرافى, 1,5 تل ماگنيتتى-رەزونانستىق توموگرافى, Philips كومپانياسىنىڭ جوعارى ساپالى ۋلترادىبىستىق زەرتتەۋ قۇرىلعىلارى جانە Olympus توراكولاپاروسكوپتارى سەكىلدى زاماناۋي جابدىقتار ورناتىلعان.
اۋرۋحاناعا ساپار قورىتىندىسى رەتىندە ماۋسىم ايىندا شقو دارىگەرلەرى ءۇشىن قىتايلىق مامانداردىڭ شەبەرلىك ساباعىن وتكىزۋ تۋرالى كەلىسىمگە قول جەتكىزىلدى. بۇدان بولەك, وسكەمەن قالاسىندا قىتاي حالىق مەديتسيناسى بويىنشا بىرلەسكەن كاسىپورىن قۇرۋ جوسپارلانىپ جاتىر.