ەلىمىزدە تۇرعىن ءۇي الۋ جۇيەسىندە جاڭا وزگەرىستەر ەنگىزىلدى. ەندى 24 مامىردان باستاپ ازاماتتار تۇرعىن ءۇي كەزەگىنە بۇرىنعىداي تەك جەرگىلىكتى اكىمدىك ارقىلى ەمەس, «وتباسى بانك» ارقىلى تۇرا الادى, دەپ حابارلايدى Egemen.kz.
اتالعان جاڭا بىرىڭعاي ەلەكتروندىق جۇيە تۇرعىن ۇيگە مۇقتاج ازاماتتاردىڭ وتىنىشتەرىن ونلاين قابىلداپ, اۆتوماتتى تۇردە وڭدەيدى.
ەندى ءۇي كەزەگىنە تەك الەۋمەتتىك وسال توپتار عانا ەمەس, سوڭعى بەس جىلدا ءوز اتىنا تۇرعىن ءۇي تىركەلمەگەن بارلىق ازاماتتار ءوتىنىش بەرە الادى. بۇل جۇيە پروتسەستىڭ اشىقتىعى مەن ادىلدىگىن قامتاماسىز ەتۋگە باعىتتالعان.
ءوتىنىش بەرۋ ءۇشىن كەلەسى قادامداردى ورىنداۋ قاجەت:
ەتسق (ەلەكتروندىق تسيفرلىق قولتاڭبا) ارقىلى جۇيەگە كىرۋ; ەگەر بار بولسا – جەڭىلدىك ساناتىڭىزدى كورسەتۋ; دەرەكتەردى وڭدەۋگە كەلىسىم بەرۋ; ەگەر ءۇي اپاتتى دەپ تانىلسا – تەحنيكالىق قورىتىندىنى جۇكتەۋ;ايتا كەتەيىك, جۇيە اۆتوماتتى تۇردە ءوتىنىش بەرۋشىنىڭ دەرەكتەرىن جانە تۇرعىن ءۇيىنىڭ بار-جوعىن تەكسەرەدى. وتىنىشتەر ارنايى ونلاين پلاتفورما ارقىلى قابىلدانادى.