ءماجىلىس «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ازاماتتىق قورعاۋ, ەلەكتر ەنەرگەتيكاسى جانە مەملەكەتتىك م ۇلىكتى باسقارۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ەكىنشى وقىلىمدا ماقۇلداپ, سەناتتىڭ قاراۋىنا جولدادى, دەپ جازادى Egemen.kz.
اتالعان زاڭ جوباسى ازاماتتىق قورعاۋ سالاسىنداعى وزەكتى ماسەلەلەردى كەشەندى تۇردە شەشۋگە, قۇقىقتىق نورمالاردى جەتىلدىرۋگە جانە جاۋاپتى ورگانداردىڭ تيىمدىلىگىن ارتتىرۋعا باعىتتالعان.
زاڭ جوباسىنىڭ نەگىزگى جاڭالىعى — ازاماتتىق قورعاۋ ورگاندارى قىزمەتكەرلەرىنىڭ مارتەبەسىن بەكىتۋ جانە الەۋمەتتىك جاعدايىن ارتتىرۋ. بۇل قادام ەل قاۋىپسىزدىگىن قامتاماسىز ەتەتىن مامانداردىڭ قىزمەتىن قادىرلەۋدىڭ ناقتى كورىنىسى.
سونداي-اق, مەملەكەتتىك ماتەريالدىق رەزەرۆ جۇيەسىن ورتالىقسىزداندىرۋ, ورتكە قارسى باقىلاۋدى قالپىنا كەلتىرۋ, سەيسميكالىق قاۋىپسىزدىك جۇيەسىن جاڭعىرتۋ, قورعانىش قۇرىلىمدارىن قۇقىقتىق كاداستردا تىركەۋ جانە قاۋىپتى ايماقتاردا جۇرگەن تۋريستەر ءۇشىن حابارلاۋ ءتارتىبىن بەكىتۋ سىندى نورمالار ەنگىزىلدى.
جۇمىس توبىنىڭ تالقىلاۋلارى بارىسىندا زاڭ جوباسىنا دەپۋتاتتار تاراپىنان 600-دەن استام تۇزەتۋ ۇسىنىلىپ, ولاردىڭ باسىم بولىگى ناقتىلاۋدان ءوتىپ, زاڭنامالىق تەحنيكانىڭ تالاپتارىنا ساي جەتىلدىرىلدى.
اتاپ ايتقاندا:
قىزمەتتىك تۇرعىن ءۇيدى جەكەشەلەندىرۋ مۇمكىندىگى جانە تۇرعىن ءۇي تولەمدەرى ارقىلى ازاماتتىق قورعاۋ ورگاندارى قىزمەتكەرلەرىنىڭ تۇرعىن ءۇي ماسەلەسىن شەشۋ;
ءورت كەزىندە ءۇشىنشى تۇلعالارعا كەلتىرىلگەن زيان ءۇشىن جاۋاپكەرشىلىكتى مىندەتتى ساقتاندىرۋدى ەنگىزۋ;
ەرiكتi ءورت سوندىرۋشىلەرگە ەڭبەك كەپىلدىگى مەن وتەماقى تولەۋ قۇقىعىن بەلگىلەۋ;
ينۆەستيتسيالىق تارتىمدىلىقتى ارتتىرۋ ءۇشىن ينفلياتسيالىق تاۋەكەلدەردى ەسكەرەتىن ەلەكتر قۋاتىنا جەكە تاريفتەر ەنگىزۋ;
مەملەكەتتىك م ۇلىكتى جەكەشەلەندىرۋدىڭ اشىقتىعىن ارتتىرۋ ماقساتىندا ۇلەستەس تۇلعالاردىڭ اۋكتسيونعا قاتىسۋىنا تىيىم سالۋ سەكىلدى تۇزەتۋلەر زاڭ جوباسىنىڭ الەۋەتىن ارتتىرا ءتۇستى.
سونىمەن قاتار, كورپوراتيۆتىك باسقارۋ, ونەركاسىپتىك قاۋىپسىزدىك, اۆاريالىق-قۇتقارۋ قىزمەتتەرىنىڭ ينفراقۇرىلىمدىق مۇمكىندىكتەرى, جەكەشەلەندىرۋ تەتىكتەرىن جەتىلدىرۋ سىندى سالاارالىق ماسەلەلەر دە قامتىلدى.
زاڭ جوباسىن دايىنداۋ بارىسىندا مۇددەلى مەملەكەتتىك ورگاندار, ۇكىمەتتىك ەمەس ۇيىمدار, كاسىبي قاۋىمداستىقتار جانە ساراپشىلار قاتىسقان 36 جۇمىس توبىنىڭ وتىرىسى جانە 2 كەڭەيتىلگەن تالقىلاۋ وتكىزىلدى. بۇل – زاڭنامالىق جۇمىستىڭ اشىق ءارى ينكليۋزيۆتى جۇرگىزىلگەنىن كورسەتەدى.
پارلامەنت ءماجىلىسىنىڭ بەيىندى كوميتەتتەرى وڭ قورىتىندى بەرگەن زاڭ جوباسى ەندى سەنات قاراۋىنا ۇسىنىلدى.