شىمكەنت قالاسىنىڭ جول-كولىك ينفراقۇرىلىمى جاڭعىرتىلادى

قالا اكىمدىگىنىڭ حابارلاۋىنشا, 2025 جىلى جالپى ۇزىندىعى 40,8 شاقىرىمدى قۇرايتىن 15 نىساندا جول قۇرىلىسى مەن قايتا جاڭعىرتۋ جۇمىستارى جۇرگىزىلمەك. ونىڭ ىشىندە قوناەۆ داڭعىلىنىڭ جالعاسى 16,3 شاقىرىمدى قۇرايدى جانە 6 كەزەڭگە بولىنگەن. قازىرگى ۋاقىتتا 1, 3, 4 جانە 6-كەزەڭدەر اياقتالعان. 2 جانە 5-كەزەڭدەردەگى قۇرىلىس جۇمىستارى بيىل باستالىپ, تيىسىنشە 2025 جانە 2026 جىلدارى اياقتالادى.

سونداي-اق قايتا جاڭعىرتىلىپ جاتقان ا-2 اۆتوموبيل جولىنىڭ ۇزىندىعى – 28,2 شاقىرىم, 8 كەزەڭنەن تۇرادى. بۇگىندە العاشقى 4 كەزەڭ اياقتالىپ, قالعان 5, 6, 7, 8-كەزەڭدەردە قۇرىلىس جۇمىستارى ءجۇرىپ جاتىر. 6, 7 جانە 8-كەزەڭدەردى 2025 جىلى, 5-كەزەڭدى 2026 جىلى اياقتاۋ جوسپارلانعان.

قالانىڭ كەپتەلىسىن ازايتۋ ماقساتىندا بايدىبەك بي داڭعىلى (زووباق – بوزارىق اينالما جولى) بويىندا التىنسارين كوشەسىنىڭ جالعاسى (تولەمەتوۆ كوشەسىنەن تۇران شاعىناۋدانىنا دەيىنگى ارالىق) سالىنىپ جاتىر. ۇزىندىعى 2,3 شاقىرىمدى قۇرايتىن بۇل جوبانىڭ قۇرىلىسى 2026 جىلى اياقتالادى.

بۇدان بولەك, جاندوسوۆ كوشەسىنىڭ جالعاسى (ادىربەكوۆ – ساسبۇقاەۆ كوشەلەرى ارالىعى, ۇزىندىعى – 400 م) مەن اسار جانە شىمسيتي شاعىناۋداندارىن بايلانىستىراتىن (تۇركيا كوشەسى مەن ا-2 جولىن جالعايتىن, ۇزىندىعى – 1,1 شاقىرىم) جول قۇرىلىستارى بيىل پايدالانۋعا بەرىلەدى.

كولىك كەپتەلىستەرىن جويۋ ءۇشىن قالادا بيىل تلەنشين جانە مومىنوۆ كوشەلەرىندە 2 تەمىرجول وتكەلىنىڭ قۇرىلىسى ءجۇرىپ جاتىر. بۇل نىسانداردى 2026 جىلى پايدالانۋعا بەرۋ جوسپارلانعان.

بيىل 17,1 شاقىرىمدى قۇرايتىن بىرقاتار كوشەلەردە – يۋسۋپوۆ, تامشىبۇلاق, جاڭا قونىس, ىزەندى, يۋ.سارەمي جانە جاڭاقۇرىلىس كوشەلەرىندە كۇردەلى جوندەۋ جۇمىستارى جۇرگىزىلۋدە. اتالعان جۇمىستار 2025 جىلى اياقتالادى.

سونىمەن قاتار, 2025 جىلى ۇزىندىعى 161,2 شاقىرىم بولاتىن 252 كوشەدە ورتاشا جوندەۋ جۇرگىزىلەدى. بۇل جۇمىستار جوسپارعا سايكەس كەزەڭ-كەزەڭىمەن ورىندالىپ جاتىر.

2025 جىلى شىمسيتي جانە تۇران شاعىناۋداندارىندا 6 جاڭا باعدارشام, قالا كوشەلەرىندە قوسىمشا 25 باعدارشام ورناتۋ جوسپارلانعان. جاياۋ جۇرگىنشىلەر قاۋىپسىزدىگىن ارتتىرۋ ماقساتىندا رەتتەلمەيتىن 487 وتكەلدىڭ ىشىنەن 200 ورىن انىقتالدى, سولاردىڭ 100-ىنە قوسىمشا جارىقتاندىرۋ ورناتىلادى.

كەلەسى جىلى قالا بويىنشا 6 000 دانا جول بەلگىلەرىن ورناتۋ جانە جاڭارتۋ كوزدەلگەن. سونىمەن قاتار, مەكتەپ, بالاباقشا, ەمحانا ماڭىنداعى قاۋىپسىزدىكتى كۇشەيتۋ ماقساتىندا 1 200 مەترگە جاساندى جول كەدەرگىلەرى ورناتىلادى.

«2025 جىلى قالا كوشەلەرىن 100% كوشە جارىق شامدارىمەن قامتىلماق.بۇگىنگى تاڭدا 80 تۇراقتى مارشرۋتتاردا كۇندەلىكتى 949 اۆتوبۋس جولاۋشىلاردى تاسىمالداۋدا, ونىڭ ىشىندە 79 مارشرۋت الەۋمەتتىك ماڭىزى بار مارشرۋت دەپ ايقىندالعان. اتالعان مارشرۋتتارعا 11 كولىك كومپانياسى قىزمەت كورسەتىپ جاتىر. جالپى كولىكتەردىڭ سانى 1120 بىرلىكتى قۇرايدى, ونىڭ ىشىندە 44 اۆتوبۋس 3 جىلعا دەيىن, 1060 اۆتوبۋس 5 جىلعا دەيىن جانە 7 جىلدان اسقان 16 اۆتوبۋس. مارشرۋتتاردا قىزمەت كورسەتەتىن اۆتوبۋستاردىڭ 100% GPS ترەككەرلەرمەن جابدىقتالعان. بيىل جىلى تاسىمالداۋشىلار تاراپىنان 205 جاڭا اۆتوبۋستاردى ساتىپ الۋ كوزدەلۋدە, ونىڭ ىشىندە گاز مەتاندى پايدالاناتىن 180 اۆتوبۋس جانە 25 شاعىن اۆتوبۋس.اتالعان اۆتوبۋستار ەسكىرگەن, تالاپتارعا جاۋاپ بەرمەيتىڭ اۆتوبۋستاردىڭ ورنىنا اۋىستىرىلادى جانە جاڭا مارشرۋتتاردا قىزمەت كورسەتەدى», دەلىنگەن حابارلامادا.