استانا قالاسىنىڭ كولىك جانە جول-كولىك ينفراقۇرىلىمىن دامىتۋ باسقارماسى شىڭعىس ايتماتوۆ كوشەسىنەن E-128 كوشەسىنە دەيىنگى ارالىقتا قورعالجىن تاس جولىندا ورتاشا جوندەۋ جۇمىستارى جۇرگىزىلەتىنىن مالىمدەدى, دەپ حابارلايدى Egemen.kz.
قالا اكىمدىگىنىڭ حابارلاۋىنشا, جوندەۋ جۇمىستارى 5-14 مامىر ارالىعىندا جۇرگىزىلەدى. وسى كەزەڭدە جول ۋچاسكەسى ءىشىنارا جابىلىپ, قوزعالىس تەك جولدىڭ ءبىر جاعى بويىنشا ەكى باعىتتا ۇيىمداستىرىلادى.
«جۇرگىزۋشىلەر مەن جاياۋ جۇرگىنشىلەردەن مارشرۋتتارىن الدىن الا جوسپارلاپ, ۋاقىتشا قوزعالىس سىزباسىن ەسكەرۋلەرى سۇرالادى. قولايسىزدىقتى ازايتۋ جانە قاۋىپسىزدىكتى قامتاماسىز ەتۋ ماقساتىندا جول بويىندا ۋاقىتشا بەلگىلەر مەن باعىتتاۋشى كورسەتكىشتەر ورناتىلادى», دەلىنگەن حابارلامادا.