ازيا-تىنىق مۇحيتى لينگۆيستيكالىق وليمپياداسى - APLO-2025 بايقاۋىندا قازاقستاندىق وقۋشىلار 5 مەدال جانە 3 قۇرمەت گراموتاسىن جەڭىپ الدى. بۇل تۋرالى وقۋ-اعارتۋ مينيسترلىگى حابارلادى, دەپ جازادى Egemen.kz.
ازيا-تىنىق مۇحيتى لينگۆيستيكالىق وليمپياداسىنا قىتاي, اۆستراليا, گونكونگ, جاپونيا, مالايزيا, يران, كورەيا, سينگاپۋر, تايلاند ەلدەرىنەن 500-گە جۋىق وقۋشى باق سىنادى. بايقاۋ قورىتىندىسى بويىنشا ماڭعىستاۋ وبلىسىنداعى IT-ليتسەيدىڭ وقۋشىسى رامازان بۋتانتاەۆ جوعارى ناتيجە كورسەتىپ, وليمپيادانىڭ ءابسوليۋتتى جەڭىمپازى اتانىپ, التىن مەدال ەنشىلەدى. سونداي-اق ءبىلىم بايگەسىندە سامير سارباسوۆ - 12 سىنىپ, نزم, استانا قالاسى, تيمۋر كانتاەۆ - 11 سىنىپ, «ارىستان» مامانداندىرىلعان مەكتەبى, الماتى قالاسى, زەرە سەرىكوۆا - 11 سىنىپ, №9 «زەردە» مەكتەبى, استانا قالاسى, تەمىرلان سەيتباتتال - 11 سىنىپ, بيل, اقمولا وبلىسىنىڭ وقۋشىلارى جۇلدەگەرلەر تۇعىرىنان تابىلدى.
ال يسلام سيپاتتالوۆ - 10 سىنىپ, بيل, اقتوبە قالاسى, شىڭعىس قاراساەۆ - 11 سىنىپ, نزم, ورال قالاسى, ارون حاسانوۆ -11 سىنىپ, بيل, اتىراۋ قالاسىنىڭ وقۋشىلارى قۇرمەت گراموتاسىمەن ماراپاتتالدى.
Asia Pacific Linguistics Olympiad (APLO) — جوعارى سىنىپ وقۋشىلارىنا ارنالعان حالىقارالىق لينگۆيستيكالىق وليمپياداعا ءبىلىم الۋشىلاردى لينگۆيستيكا جانە گەوگرافيا پاندەرىنەن حالىقارالىق جانە رەسپۋبليكالىق وليمپيادالار جەڭىمپازى, ەبەرحارد جانە كارل اتىنداعى تيۋبينگەن ۋنيۆەرسيتەتىنىڭ 2-كۋرس ستۋدەنتى ايدا داۆلەتوۆا دايىنداعان.
ايتا كەتەيىك, بۇل وليمپيادا لوگيكالىق ويلاۋ, تىلدىك تۇيسىگى مەن مادەنيەتارالىق قۇزىرەتتىلىكتى دامىتۋعا باعىتتالعان جانە حالىقارالىق لينگۆيستيكالىق وليمپياداعا (IOL) قاتىسۋعا مۇمكىندىك بەرەدى.