ەلىمىزدە 130-دان استام ۇلت پەن ۇلىس وكىلدەرى بەيبىتشىلىك پەن تاتۋلىقتا عۇمىر كەشەدى. سول سەبەپتى 1996 جىلدان بەرى 1 مامىر – قازاقستان حالىقتارىنىڭ بىرلىگى كۇنى تويلانىپ كەلەدى. ەلدىڭ تۇراقتىلىعى مەن تىنىشتىعى تاتۋلىقتان باستالماق. ال تاتۋلىق ادام جۇرەگىندەگى ماحابباتتىڭ كورىنىسى.
حاكىم اباي «اللانىڭ ءوزى دە راس, ءسوزى دە راس» دەپ باستالاتىن ولەڭىندە:
«ماحابباتپەن جاراتقان ادامزاتتى,
سەندە ءسۇي ول اللانى جاننان ءتاتتى.
ادامزاتتىڭ ءبارىن ءسۇي باۋىرىم دەپ,
جانە حاق جولى وسى دەپ ادىلەتتى», دەپ جازادى.
ەگەر «ادامزاتتىڭ ءبارىن ءسۇيۋ» ۇعىمىن ءار ۇلتتاعى ءاربىر ادامدى جاقسى كورۋ دەپ ويلاساق, ء(اربىر ادامدى ءسۇيۋ مۇمكىن دە ەمەس) بىرجاقتى كوزقاراس بولماي ما, ولاي بولسا, قازاقتىڭ «جاماننان جيرەن» دەگەن ماقالى قايدا قالادى؟ ويىمىزشا, حاكىم «زاتى بار ادامدى ءسۇي», دەپ ايتىپ تۇرعان سياقتى. ءبىز ادەتتە ماتەريالدىق ءتۇرلى دۇنيەلەردى «زات» دەپ اتايمىز, شىن مانىندە ماتەريالدىق دۇنيەلەر – زات ەمەس, نارسە. جالپى, «زات» دەپ اللا جاراتقان جاراتىلىستاردى ءارى رۋحاني دۇنيەلەردى ايتسا كەرەك. ايتپاعىمىز, ادام ءوزىنىڭ اللا جاراتىپ قويعان ادامي بولمىسىنا يە بولسا, ياعني ءناپسىسىن جەڭىپ, رۋحىمەن ءومىر سۇرسە, «ادام+زات» بولادى. قازاقتا «اتى بار دا زاتى جوق» دەگەن ءسوز بار (ادام دەگەن اتى بار, بىراق زاتى جوق دەگەن ماعىنادا).
ەلىمىزدەگى ءتۇرلى ۇلتتار وزدەرىنىڭ ءتىلىن, سالت-ءداستۇرىن, رۋحانياتىن ساقتاپ, مادەنيەتىن وركەندەتىپ, جايلى ءومىر ءسۇرىپ كەلەدى. ال پرەزيدەنت قاسىم-جومارت توقاەۆتىڭ اينىماس تۇراقتى ساياساتىنىڭ ءبىرى – تاتۋلىق, بەيبىتشىلىك. ەندەشە, قازاقستانداعى حالىقتار بىرلىگى نىعايا بەرمەك.
زامانالاردىڭ ءتۇرلى كەزەڭدەرىڭدە قازاق حالقى كەڭ بايتاق دالاسىنا كەلگەن كەز كەلگەن ۇلتتى جاتىرقاماي, قوناقجايلىلىقپەن ءدامىن ءبولىسىپ, كەڭ پەيىلدىك تانىتتى. بۇل زور مۇسىلماندىق بەلگىسى, قازاق حالقىنىڭ كەمەل قاسيەتى.
ريناتقىزى اسەماي الىكەي مارعۇلان اتىنداعى40 مەكتەپ-ليتسەيى11 سىنىپ وقۋشىسى