سۋارۋ ماۋسىمى باستالعان وسى ايدىڭ وزىندە-اق 45 ملن تەكشە مەتر سۋ بەرىلىپتى. ال, اي سوڭىندا تالاس وزەنى ارقىلى قىرعىزستاننان تاعى 400 ملن تەكشە مەتر جانە شۋ وزەنى ارقىلى 180 ملن تەكشە مەتر سۋ جىبەرىلىپ, جامبىل وبلىسىنداعى اۋىل شارۋاشىلىعى القاپتارىن سۋارۋعا قولدانىلادى, دەپ جازادى Egemen.kz.
سالا ءمينيسترى نۇرجان نۇرجىگىتوۆ پەن قىرعىز رەسپۋبليكاسىنىڭ مينيسترلەر كابينەتى توراعاسىنىڭ ورىنباسارى – سۋ رەسۋرستارى, اۋىل شارۋاشىلىعى جانە قايتا وڭدەۋ ونەركاسىبى ءمينيسترى باقىت توروباەۆ قازاق-قىرعىز كوميسسياسىنىڭ 35-ءشى وتىرىسىندا وسى جونىندە كەلىسىمگە كەلدى. سونداي-اق وتىرىسقا ەكى ەلدىڭ مينيسترلىكتەرىنىڭ وكىلدەرى جانە جامبىل وبلىسى اكىمدىگى قىزمەتكەرلەرى قاتىسىپ, قورشاعان ورتانى قورعاۋ جانە سۋ ساپاسىن باقىلاۋ بويىنشا بىرلەسكەن جۇمىس توبىنىڭ قىزمەتىن تالقىلادى.
«بىلتىر قىرعىز ارىپتەستەرىمىزبەن بىرلەسكەن جۇمىستىڭ ارقاسىندا جامبىل وبلىسىنىڭ ديقاندارىن سۋارمالى سۋمەن تولىق قامتاماسىز ەتتىك. مىسالى, تالاس وزەنى ارقىلى قازاقستانعا جوسپارلانعان 380 ملن تەكشە مەتردىڭ ورنىنا 418 ملن تەكشە مەتر سۋ كەلدى. ال شۋ وزەنى ارقىلى 165,3 ملن تەكشە مەتر سۋ كەلدى, بۇل ءبىر جىل بۇرىنعى كولەممەن سالىستىرعاندا 29,7 ميلليونعا ارتىق», دەدى مينيستر نۇرجان نۇرجىگىتوۆ.