تارازدا ەكى اۆتوبۋس جول اپاتىنا ۇشىرادى, دەپ حابارلايدى Egemen.kz.
وقيعا ورنىندا تۇسىرىلگەن ۆيدەولار الەۋمەتتىك جەلىدە جاريالاندى.
رەداكتسيا تۇسىنىكتەمە الۋ ءۇشىن جامبىل وبلىستىق پوليتسيا دەپارتامەنتىنىڭ ءباسپاسوز قىزمەتىنە حابارلاستى.
«2025 جىلدىڭ 22 ساۋىرىندە ساعات 15:44 شاماسىندا قازىبەك بي مەن ايتيەۆ كوشەلەرىنىڭ قيىلىسىندا Golden Dragon اۆتوبۋسىنىڭ 59 جاستاعى جۇرگىزۋشىسى 48 جاستاعى جۇرگىزۋشى باسقارعان Zhong Tong اۆتوبۋسىمەن سوقتىعىستى. جول اپاتى سالدارىنان 11 جولاۋشى مەديتسينالىق كومەككە جۇگىندى, بىراق اۋرۋحاناعا جاتۋدان باس تارتتى», - دەپ حابارلادى پوليتسيا اگەنتتىككە.
بۇل فاكتى بويىنشا 59 جاستاعى جۇرگىزۋشى قر اكىمشىلىك قۇقىقبۇزۋشىلىق تۋرالى كودەكسىنىڭ 610-بابى «كولىك قۇرالدارى جۇرگىزۋشىلەرىنىڭ ادام دەنساۋلىعىنا زيان كەلتىرۋگە اكەپ سوققان جول قوزعالىسى ەرەجەلەرىن بۇزۋى» بويىنشا جاۋاپكەرشىلىككە تارتىلدى.