قوستاناي وبلىسىنىڭ جۇمىسپەن قامتاماسىز ەتۋدى ۇيلەستىرۋ جانە الەۋمەتتىك باعدارلامالار باسقارماسى «ەڭبەك جولى» كونكۋرسىنا ءوتىنىم قابىلداي باستادى, دەپ جازادى Egemen.kz.
اتالعان بايقاۋ ۇزدىك ەڭبەك اۋلەتتەرى مەن ءوندىرىس قىزمەتكەرلەرىن انىقتاپ, دارىپتەۋدى كوزدەيدى. كونكۋرس «ۇزدىك ەڭبەك اۋلەتى», ء«وندىرىستىڭ ۇزدىك جاس قىزمەتكەرى», «جۇمىسشى جاستاردىڭ ۇزدىك تالىمگەرى» دەپ اتالاتىن ءۇش اتالىم بويىنشا وتەدى.
ماسەلەن, «ۇزدىك ەڭبەك اۋلەتى» اتالىمىندا بەلگىلى ءبىر سالادا ەڭ ۇزاق ەڭبەك ەتكەن اۋلەت تاڭدالادى. «ۇزدىك تالىمگەر» نوميناتسياسى بويىنشا كەمىندە 20 جىل جۇمىس ءوتىلى بار, جاستارعا ۇلگى-ونەگە بولا بىلگەن تالىمگەر تاڭدالادى. ء«وندىرىستىڭ ۇزدىك جاس مامانى» اتالىمىندا جۇمىس ءوتىلى 5 جىلدان اسپايتىن ەڭ بەلسەندى جانە ەڭبەكقور ءوندىرىس جۇمىسكەرى تاڭدالادى.
بايقاۋ ەكى كەزەڭنەن تۇرادى. وبلىستىق كەزەڭدە وزىپ شىققان ۇمىتكەر رەسپۋبليكالىق كەزەڭگە جولداما الادى. رەسپۋبليكالىق كونكۋرستىڭ جەڭىمپازدارىنا ديپلومدار مەن قوماقتى قارجىلاي سىيلىقتار تابىس ەتىلمەك.