نەگىزگى ۇبت مامىردا باستالادى

ۇلتتىق بىرىڭعاي تەستى­لەۋ ور­تا­لىعىنىڭ (ۇتو) تاراتقان اقپا­را­تى­نا سۇيەنسەك, نەگىزگى ۇبت-عا وتى­نىش­­تەر 12-25 ءساۋىر ارا­لىعىندا قابىل­دانادى. ۇبت­-عا قاتىسۋ ءۇشىن ۇلتتىق تەستى­لەۋ ورتالىعىنىڭ http://app.testcenter.kz سايتى نەمەسە UTO.kz قوسىمشاسى ارقىلى ءوتىنىش بەرۋگە بولادى. تالاپكەرلەر تەستى­لەۋ كۇنىن, ۋاقىتىن جانە پۋنك­تىن وزدەرى تاڭدايدى. بۇل رەتتە ولار ەكى مۇمكىندىك ءۇشىن بەيىندى پاندەردىڭ ءبىر عانا كومبيناتسياسىن بەلگىلەيدى.

تالاپكەرلەردىڭ نەگىزگى ۇبت-عا دايىندىعىن جاقسارتۋ ماقساتىندا ەنگىزىلگەن ءار ءپان بويىنشا جەكە تاقىرىپتىق تالداۋ بار. ياعني ءار ۇبت-دان كەيىن (قاڭتار, ناۋرىز) تۇلەكتەرگە جەكە تاقىرىپتىق تال­داۋ بويىنشا ءبىلىمىن ارتتىرۋ ۇسى­نىلادى. سونىمەن قاتار ءبى­رىنشى مۇمكىن­دىكتى تاپسىرعاننان كەيىن ولار ەكىنشى مۇمكىندىككە دەيىن دايىن­دىعىن پىسىقتاي الادى. سونداي-اق ونلاين بايقاۋ سىناقتارى ىسكە قوسىلعان. وقۋ جىلىنىڭ باسىندا ۇتو سايتىندا تەست تاپسىرمالارى قۇراستى­رىلعان وقۋلىقتار ءتىزىمى مەن تەست جوسپارى; «قازاقستان تاريحى» جانە «دۇنيەجۇزى تاريحى» پاندەرى بويىنشا 100 تاريحي داتا ءتىزىمى; «ينفورماتيكا» پانىنەن تەرميندەر ءتىزىمى; «قازاق ادەبيەتى» جانە «ورىس ادەبيەتى» بويىنشا ادەبي شىعارمالار ءتىزىمى جاريالاندى.

بيىل تەستىلەۋ تالاپتارى مەن ەرەجەلەرىندە اسا وزگەرىس جوق. ايتالىق, ۇبت-داعى پاندەردىڭ سانى – بۇرىنعىداي, ۇشەۋى مىندەتتى جانە ەكەۋى تاڭداۋ بويىنشا. ۇبت تاپسىرمالار سانى – 120. مۇنى ىشىندە «قازاقستان تاريحىنان» 20, «وقۋ ساۋاتتىلىعىنان» 10, «ماتە­ماتيكالىق ساۋاتتىلىقتان» 10 جانە ەكى بەيىندى ءپان بويىنشا 40 تاپ­سىرمادان. جوعارى بالل – 140. تەستىلەۋ ۋاقىتى – 4 ساعات (240 مينۋت). بۇل رەتتە ەرەكشە ءبىلىم بەرۋ قاجەتتىلىكتەرى بار بالالار ءۇشىن ۇسىنىلاتىن قوسىمشا 40 مينۋت ۋاقىت ساقتالاتىنىن ايتا كەتۋ كەرەك. شەكتى بالدار دا وزگەرىسسىز قالدى: «قۇقىق» جانە «پەداگوگيكالىق عىلىمدار» باعىت­تارىنا ءتۇسۋ ءۇشىن كەمىندە 75 بالل, «دەنساۋلىق ساقتاۋ جانە الەۋ­مەتتىك قامتاماسىز ەتۋ (مەدي­تسينا)» ءۇشىن كەمىندە 70 بالل, ۇلت­تىق جوو-نا ءتۇسۋ ءۇشىن كەمىندە 65 بالل, باسقا جوو-نا ءتۇسۋ ءۇشىن كەمىندە 50 بالل جيناۋ قا­جەت. اكادەميالىق ادالدىقتى قامتا­ماسىز ەتۋ ماقسا­تىندا ۇبت-عا قاتىسۋشى ءار ادام جەكە جاسال­عان تەست نۇسقاسىن الادى. ەمتي­حان كەزىندە تەستىلەۋ باعدار­لا­ماسىندا, ياعني كومپيۋتەردە كالكۋلياتور, حيميالىق ەلە­­مەنت­­تەردىڭ پەريودتىق جۇيەسى جانە تۇزداردىڭ ەرىگىشتىك كەستەسىن قولدانۋعا مۇمكىندىك بار. سونى­مەن بىرگە تالاپكەرلەرگە ىڭعايلى بولۋ ءۇشىن كەستەلەردىڭ قاعاز نۇس­قالارى دا بەرىلەدى. تەستىلەۋگە كىرە­بەرىستە تىيىم سالىنعان زات­تاردى, مىسالى, تەلەفوندار­دى, شپارگالكالاردى الىپ كىرۋ­گە جول بەرمەۋ ءۇشىن مەتالل ىز­دەگىشتەر قولدانىلادى. تەستى­لەۋ اۋديتورياسىندا بايلانىس سيگنالدارىن باساتىن قۇرىلعى قول­دانىلادى, سونداي-اق بەينە­باقىلاۋ جۇرگىزىلەدى.

قاتىسۋشىلار ءوز ناتيجەسىنە قاناعاتتانباسا, تەستىلەۋ اياق­تال­عاننان كەيىن 30 مينۋت ىشىن­دە اپەللياتسياعا بەرە الادى. سەر­تيفيكات اپەللياتسيا قارال­عان­نان كەيىن تەستىلەنۋشىنىڭ جەكە كابينەتىندە شىعادى. وسى جەردە ءبىر تالاپتى ەسكە سالا كەتكەن ءجون, وقۋدىڭ مەيلى تەگىن يا اقىلى تۇرىنە تۇسۋگە ارنالعان ۇبت بولسىن, ارقايسىسى اياقتالعاننان كەيىن, انىعى بيىلعى 31 قازانعا دەيىن بەينەجازبالارعا تالداۋ جاسالادى. تىيىم سالىنعان زات­تاردى پايدالانۋ نەمەسە باس­قا دا ەرەجەلەردى بۇزۋ فاكتى­لە­رى انىقتالعان جاعدايدا, تالاپكەر­دىڭ تەست ناتيجەلەرى جويىلادى.

ايتپاقشى, جاقىندا ناۋرىز­داعى ۇبت اياقتالدى, تاپسىرعان 159 مىڭنان اسا ادامنىڭ 75,5%-عا جۋىعى شەكتى بالدى جينادى. ۇمىتكەرلەر «وقۋ ساۋاتتىلىعى» ءپانىن جوعارى دەڭگەيدە تاپسىردى. ورتاشا ەسەپپەن, سۇراقتاردىڭ 77,9%-ىنا دۇرىس جاۋاپ بەرىلگەن. تەستىلەۋگە قاتىسۋشىلاردىڭ با­­سىم بولىگى «بيولوگيا-حيميا», «ماتەماتيكا-فيزيكا», «ماتە­­ماتي­كا-ينفورماتيكا» كوم­بي­نا­تسيالا­رىن تاڭداعان. ەڭ از تاڭدالعان كومبيناتسيا – «حيميا-فيزيكا», بۇنى 171 ادام تاپسىرعان. ۇبت وتكىزۋ بارىسىندا 235 ەرەجە بۇزۋشىلىق انىقتالعان. ونىڭ ىشىندە 85 تالاپكەر سمارتفون جانە شپارگالكا سياقتى تىيىم سالىنعان زاتتاردى الىپ ءوتۋ ارەكەتى سالدارىنان تەست تاپسىرۋ مۇمكىندىگىنەن ايىرىلدى, تەستىلەۋ كەزىندە ەرەجەلەردى بۇزعا­نى ءۇشىن اۋديتوريادان 95 ادام شىعا­رىلدى, ال 55 ادامنىڭ سەرتيفيكاتى تەستىلەۋ بەينەجازباسىن تەكسەرۋ ناتيجەسىندە جويىلدى.