جەكە ينۆەستيتسياعا سالىنعان ەكى زاۋىت

ء«بىرىنشى كەزەڭ ىسكە قوسىلعان سوڭ زاۋىت جىلىنا 100 مىڭ ونەركاسىپتىك اككۋمۋلياتور شىعارا باستايدى. تولىق قۋاتى – 200 مىڭ اككۋمۋلياتور. قازىر 150 تۇراقتى جۇمىس ورنى قۇرىلعان, كەلەشەكتە ونىڭ سانى 300-گە جەتپەك. بۇگىندە 10 ملرد تەڭگە ينۆەستيتسيا تارتىلدى. كاسىپورىن ەكسپورتقا باعدارلانعان. سون­دىقتان ونىمدەر ەل ىشىنە عانا ەمەس, وزبەكستان, تۇرىكمەنستان, قىرعىزستان, ازەر­بايجان, رەسەيگە دە جەتكىزىلەدى», دەيدى كاسىپورىن­نىڭ باس ديرەكتورى ەربول اجماعامبەتوۆ.

«تالدىقورعان» يندۋستريالىق ايما­عىن­دا ورنالاسقان اۆتوكلاۆتى قاتايتاتىن گازبەتون بلوكتارىن شىعاراتىن كاسىپورىن­­نىڭ وندىرىستىك قۋاتى – جىلىنا 150 مىڭ تەكشە مەتر. مامىردىڭ اياعى مەن ماۋسىمنىڭ باسىندا ىسكە قوسىلادى دەپ جوسپارلانعان.

«قاراۋسىز قالعان عيماراتتى ساتىپ الىپ, رەكونسترۋكتسيا جۇرگىزدىك. قازىر قاجەتتى جاب­­دىقتار ورناتىلۋدا. وڭىردە كىرپىشتىڭ وسى تۇرلەرىن وندىرەتىن كاسىپورىن جوق. ءبىز جەر­­گى­لىك­تى شيكىزاتتى قولدانامىز. نەگىزى­نەن دا­يىن ءونىمدى وبلىس اۋماعىندا ساتامىز. زاۋىت عيماراتىنان باسقا كەڭسەمىز, قىزمەتكەرلەرگە ارنالعان اسحاناسى بار جاتاقحانامىز  بار. قازىر 30 ادام جۇمىس ىستەيدى. زاۋىت ىسكە قوسىلعاننان كەيىن جۇمىس ورىنى سانى 70-كە دەيىن ۇلعايادى», دەيدى «ستالبەتون» جشس كوممەرتسيالىق ديرەكتورى دينارا ورىنباسار.

كاسىپورىندا جۇمىسشىلار – ايىنا 300-350 مىڭ تەڭگە, باس ەنەرگەتيك 1 ملن تەڭگەگە دەيىن جالاقى الادى. جوباعا 3 ملرد تەڭگەدەن استام ينۆەستيتسيا قۇيىلعان. بولاشاقتا مەملەكەت تاراپىنان قولداۋ الىپ, قۇ­رى­لىس­قا قاجەتتى قۇرعاق قوسپامەن ەمۋلسيا شى­عا­را­تىن زاۋىت اشۋ جوسپاردا بار.

وبلىس اكىمى بەيبىت يساباەۆتىڭ ايتۋىن­شا, زاۋىت عيماراتىنا دەيىن ينجەنەرلىك ينفراقۇرىلىمدى جۇرگىزۋ ماسەلەسىندە قولداۋ كورسەتىلەدى. اكىمدىك مالىمەتىنشە, ايماقتا 565 ونەركاسىپ ورنى جۇمىس ىستەيدى, ونىڭ 14-ءى – ءىرى, 11-ءى – ورتا كاسىپورىن. ونەركاسىپ ءوندىرىسىنىڭ كولەمى 2025 جىلعى قاڭتار-اقپان ايلارىندا 54,5 ملرد تەڭگەنى قۇراپ, ناقتى كولەم يندەكسى 120,9%-عا جەتكەن.

جەتىسۋ وبلىسى