پاۆلودار وبلىسىندا ەكىباستۇز قالالىق سوتى توتەنشە جاعدايلار باسقارماسىنىڭ بۇرىنعى باسشىسى د. كۋكونەۆتى 7 جىل 6 ايعا, ونىڭ ورىنباسارى ج. مايمانوۆ پەن كاسىپكەر ب. جۇماشەۆتى 7 جىلعا سوتتادى, دەپ جازادى Egemen.kz.
كۋكونەۆ پەن مايمانوۆ جۇماشەۆتىڭ كاسىپورنىمەن مەملەكەتتىك ەمەس ورتكە قارسى قىزمەت كورسەتۋ شارتتارىن جاساسقانى ءۇشىن جالپى سوماسى 7,4 ملن تەڭگە پارانى بىرنەشە رەت العاندىقتان كىنالى دەپ تانىلعان.
سونداي-اق, ولار ءومىر بويى مەملەكەتتىك قىزمەتتە جانە كۆازيمەملەكەتتىك سەكتوردا قىزمەت اتقارۋ قۇقىعىنان جانە كۋكونەۆ «ازاماتتىق قورعانىس پولكوۆنيگى», مايمانوۆ «ازاماتتىق قورعانىس مايورى» ارنايى اتاعىنان ايىرىلدى.
سوت اكتىسى زاڭدى كۇشىنە ەنگەن جوق.