الماتىدا جەتى جاسار تاعى ءبىر ءبۇلدىرشىندى كولىك قاعىپ كەتتى. ول دا جانتۇرشىگەرلىك وقيعادان سول جەردە كوز جۇمدى, دەپ حابارلايدى Egemen.kz.
وقيعاعا قاتىستى قالالىق پوليتسيا دەپارتامەنتى تۇسىنىكتەمە بەردى. جەرگىلىكتى پوليتسيا قىزمەتىنىڭ كەزەكشى ءبولىمىنىڭ حابارلاۋىنشا, جول-كولىك وقيعاسى بۇگىن 15:30-دا الماتىنىڭ المالى اۋدانىندا بولدى.
«Jetour» ماركالى كولىكتىڭ جۇرگىزۋشىسى بوگەنباي باتىر كوشەسىنىڭ وڭتۇستىگىنە قاراي, بايزاقوۆ كوشەسىنىڭ بويىمەن سولتۇستىك باعىتتا كەلە جاتىپ, رۇقسات ەتىلمەگەن جەردەن شىعىس باعىتتاعى جولدى كەسىپ ءوتىپ بارا جاتقان 7 جاسار بالانى قاعىپ كەتكەن.
سوققىدان جاياۋ جۇرگىنشى قارسى باعىتتا كەلە جاتقان «حيۋنداي» كولىگىنە سوعىلدى.
وكىنىشكە قاراي, بالا العان جاراقاتىنان وقيعا ورنىندا كوز جۇمدى.
«ادام ولىمىنە اكەپ سوققان جول-كولىك وقيعاسى دەرەگى بويىنشا (قر قك-ءنىڭ 345-بابى, 3-بولىگىمەن) الماتى قالالىق پد انىقتاۋ باسقارماسى قىلمىستىق ءىس قوزعادى», – دەپ حابارلادى قالالىق پوليتسيا دەپارتامەنتىنىڭ ءباسپاسوز قىزمەتى.