اتىراۋ وبلىسىندا ءىرى جول-كولىك وقيعاسى ورىن الىپ, ءۇش ادام قازا تاپتى. جانتۇرشىگەرلىك جاعداي 26 ناۋرىز كۇنى تاڭعى ساعات 07:30 شاماسىندا اقتوبە-اتىراۋ-استراحان تاسجولىنىڭ 575 شاقىرىمىندا بولعان, دەپ حابارلايدى Egemen.kz.
الدىن الا مالىمەت بويىنشا, اپات سالدارىنان بىرنەشە ادام اۋىر جاراقات العان. جەدەل جاردەم قىزمەتىنىڭ كومەگىمەن زارداپ شەككەندەر دەرەۋ اۋرۋحاناعا جەتكىزىلگەن. دارىگەرلەردىڭ ايتۋىنشا, جاراقات العانداردىڭ ءبىرى جابىق سۇيەك جاراقاتىن الىپ, ونىڭ جاعدايى ورتاشا اۋىر دەپ باعالانعان.
قۇزىرلى ورگاندار وقيعانىڭ ءمان-جايىن انىقتاپ, تەرگەۋ امالدارىن جۇرگىزىپ جاتىر. تاسجولدا قوزعالىس ءىشىنارا شەكتەلگەن.