قۇرلىق اسكەرلەرى «باتىس» وڭىرلىك قولباسشىلىعىنا قاراستى تەڭىز جاياۋ اسكەرى بريگاداسىنىڭ ىرىكتەۋدەن وتكەن 170-تەن استام اسكەري قىزمەتشىسى ۇلى وتان سوعىسىنداعى جەڭىستىڭ 80 جىلدىعىنا ارنالعان اسكەري پارادقا قاتىسادى, دەپ حابارلايدى Egemen.kz.
قورعانىس مينيسترلىگىنىڭ حابارلاۋىنشا, ەلورداداعى قازاق ەلى الاڭىندا وتەتىن شەرۋدە اقتاۋ گارنيزونىندا قىزمەت وتكەرىپ جاتقان وفيتسەرلەر, سەرجانتتار جانە مەرزىمدى قىزمەتتىڭ 160 ساربازى سالتاناتتى ساپ تۇزەمەك.
«پارادقا قاتىسۋشىلار جان-جاقتى مۇقيات ىرىكتەۋدەن ءوتتى. بۇل ءبىز ءۇشىن ۇلكەن مارتەبە جانە جاۋاپكەرشىلىك. ويتكەنى, اسكەري شەرۋ – بەيبىتشىلىك ءۇشىن ءوز جاندارىن قۇربان ەتكەن باتىرلارعا دەگەن قۇرمەت», دەدى تەڭىز جاياۋ اسكەرى بريگاداسى كومانديرىنىڭ جاۋىنگەرلىك جانە دەنە شىنىقتىرۋ دايارلىعى جونىندەگى ورىنباسارى مايور بەرىك المانيازوۆ.
ايتا كەتەيىك, پارادقا قارۋلى كۇشتەردىڭ بارلىق سالاسىنان 4000-نان استام اسكەري قىزمەتشى, ونىڭ ىشىندە 200-دەن اسا ايەل اسكەري قىزمەتكەر قاتىسادى. سونداي-اق, 200-دەن استام اسكەري تەحنيكا مەن اۆياتسيا شەرۋگە قوسىلادى.