القالى جيىننىڭ الەۋمەتتىك-ەكونوميكالىق سەكتسياسى وتىرىسىندا «اrtsport» باعدارلاماسىنىڭ قارجىسىن ۇنەمدەۋ تۋرالى ۇسىنىس ايتتىم. ماسەلەن, قاراعاندى وبلىسىندا بۇل باعدارلاماعا ءبىر جىلدا 4 ملرد تەڭگەگە جۋىق قارجى جۇمسالادى. وبلىس حالقىنىڭ 85 پايىزى قالادا تۇراتىنىن ەسكەرسەك, «اrtsport»-تىڭ قىزىعىن قالا بالالارى كورىپ جاتىر. ال قالالاردا تەگىن ۇيىرمە-سەكتسيالاردى مادەنيەت ۇيلەرى مەن جاسوسپىرىمدەر سارايى دا ۇسىنادى.
قاراعاندىنىڭ وزىندە 4 مادەنيەت ءۇيى مەن 3 جاسوسپىرىمدەر سارايى بار. بۇلاردا جۇزدەن اسا سەكتسيا جۇمىس ىستەيدى. ونداعى ۇيىرمەلەر ساپالى, زاماناۋي قۇرالدارمەن جابدىقتالعان, ماماندارى بىلىكتى. ولاي بولسا قالالىقتار ءۇشىن ونسىز دا جۇمىس ىستەپ تۇرعان ۇيىرمەلەردى نەگە «اrtsport»-تان الىپ تاستاماسقا؟
مادەنيەت ءۇيى مەن وقۋشىلار سارايىندا ۇيىرمەگە كەلگەن ءبىر بالاعا 500 تەڭگە (شامامەن) قاراستىرىلعان, وقىتۋشىلاردىڭ جالاقىسى – 80-120 مىڭ تەڭگە ارالىعىندا. ال «اrtsport»-تا ءبىر بالاعا 28 مىڭ تەڭگە بولىنەدى. ءبىر دەگەندە 200-400 بالاعا «اrtsport» ارقىلى قىزمەت كورسەتەتىن جەكەمەنشىك ورتالىقتار بار. ولار جىلدا ءارتۇرلى ورىن جالدايدى, مەكەنجايى اۋىسادى, جابدىعى مەن وقىتۋىن تەكسەرىپ جاتقان قۇزىرلى ورگان جوق. پارادوكس پا؟
«اrtsport»-قا جۇمسالىپ جاتقان قارجىنىڭ ءبىر بولىگىن مادەنيەت ءۇيى مەن جاسوسپىرىمدەر سارايىنىڭ جابدىقتارىن جاڭارتۋعا, وقىتۋشىلاردىڭ جالاقىسىن كوتەرۋگە نەگە بولمەسكە؟ ءان-كۇي, بي ۇيىرمەلەرىن «اrtsport»-تان الىپ, مەملەكەتتىك مەكەمەلەرگە بەرۋ كەرەك. بيۋدجەت قارجىسىن ۇنەمدەۋ دەگەن – وسى.
«اrtsport»-تىڭ قارجىسىن باسسەين, تاعى باسقا بالاماسى جوق ۇيىرمەلەردى اشۋعا جۇمساسا ەكەن. ءارى «اrtsport»-قا قارجى قاراستىرىلعاندا اۋىل مەن قالاعا بولىنەتىن قارجىنىڭ تەپە-تەڭدىگىن ساقتاۋ قاجەت. مەملەكەت بالالاردى دامىتۋعا قارجى ءبولىپ جاتىر. الايدا ول اۋىل بالالارىنا جەتكەن جوق. ايماقتاردا «اrtsport»-قا جۇمسالعان قارجىنىڭ 80 پايىزى قالادا قالادى. سەبەبى مونيتورينگ جاساپ جاتقان ەشكىم جوق.
ءلاززات قوجاحمەت,
«قاراعاندى قالاسىنداعى وتباسىن قولداۋ ورتالىعى» كمم باسشىسى