پارا بياتلونشى ەربول حاميتوۆ 2024-2025 جىلعى ماۋسىمنىڭ قورىتىندىسى بويىنشا الەم كۋبوگىنىڭ جالپى ەسەبىندە جەڭىسكە جەتكەن العاشقى قازاقستاندىق سپورتشى اتاندى, دەپ حابارلايدى Egemen.kz.
تۋريزم جانە سپورت مينيسترلىگىنىڭ مالىمەتىنشە, بۇل جەتىستىك قازاقستان سپورتىندا 31 جىلدان كەيىنگى تاريحي جەڭىس بولىپ وتىر. سەبەبى كەيىنگى رەت «حرۋستال گلوبۋستى» ەلىمىزگە 1994 جىلى شاڭعىشى ۆلاديمير سميرنوۆ (1990/1991 جانە 1993/1994 جىلعى ماۋسىم) اكەلگەن ەدى.
11 ناۋرىز كۇنى شۆەتسيانىڭ تورسبي قالاسىندا ماۋسىمنىڭ سوڭعى جارىسى – سپرينت ءوتتى. ەربول حاميتوۆ بۇل جارىستا ەكىنشى ورىن يەلەنىپ, ماۋسىم بويى جيناعان ۇپايلارىنىڭ ارقاسىندا «حرۋستال گلوبۋسقا» قول جەتكىزدى. بۇل ماۋسىمدا ەربول بىرنەشە ماڭىزدى جەڭىستەرگە قول جەتكىزىپ, جالپى ەسەپتە 1005 ۇپاي جينادى. سونىمەن قاتار, ول بياتلوننان الەم چەمپيوناتىندا التىن مەدال يەلەندى.
ەندى وتانداسىمىز 2026 جىلى يتاليادا وتەتىن قىسقى پاراليمپيادادا جەڭىسكە جەتۋدى جوسپارلاپ وتىر.