كەيىنگى كەزدەرى ەلىمىزدىڭ ادەبي تىنىس-تىرشىلىگىندە ايتارلىقتاي جاڭالىقتار بار. سونىڭ ءبىرى – مەملەكەتتىك سىيلىقتىڭ لاۋرەاتى, اقىن ۇلىقبەك ەسداۋلەتتىڭ ءومىربايانى مەن سۋرەتى «گونكونگ ادەبيەتى مەن ونەرى» جۋرنالىنىڭ مۇقاباسىنا باسىلىپتى. اتالعان الپاۋىت باسىلىم 2025 جىلدىڭ ءبىرىنشى سانىن ۇلىقبەك ەسداۋلەتتىڭ شىعارماشىلىعىن ناسيحاتتاۋمەن باستاعانى – ادەبيەتىمىز ءۇشىن ۇلكەن جاڭالىق.
قازاق پوەزياسىنان ويىپ ورىن العان اقىننىڭ سوناۋ الىستاعى, گونكونگتاعى ادەبي باسىلىمدا ەسىمى اتالىپ جاتقانى ۇلت ادەبيەتىنىڭ كەرەگەسى كەڭگە جايىلا باستاعانىنىڭ بەلگىسى-ءدۇر. جۋرنال مۇقاباسىندا « ۇلىقبەك ەسداۋلەت – قازاق اقىنى, جازۋشىسى جانە اۋدارماشىسى. مەملەكەتتىك سىيلىقتىڭ لاۋرەاتى. ونىڭ شىعارماشىلىعى فيلوسوفيالىق جانە الەۋمەتتىك ماسەلەلەردى قامتيتىن كەڭ اۋقىمدى تاقىرىپتاردى قوزعايدى. شىعارمالارى كوپتەگەن تىلگە اۋدارىلعان» دەگەن تۇسىنىكتەمە بەرىلگەن.
ۇ.ەسداۋلەتتىڭ ايتۋىنشا, اقىننىڭ ولەڭدەرىن اۋدارۋ بويىنشا بىلتىر «گونكونگ ادەبيەتى مەن ونەرى» جۋرنالىنىڭ رەداكتسيا القاسىنا 20 جىلعا مۇشەلىككە قابىلداۋ تۋرالى ۇسىنىس حات كەلىپ, كەلىسىم جاسالىپتى. وتكەن جىل باسىندا الىستاعى ادەبي باسىلىم ونىڭ ولەڭدەرىن اۋدارىپ, وقىرمانعا ۇسىنعان.