قاراعاندى وبلىستىق پوليتسيا دەپارتامەنتى اۋار رايىنىڭ كۇرت بۇزىلۋىنا بايلانىستى وڭىردەگى رەسپۋبليكالىق جانە وبلىستىق ماڭىزى بار تراسسالاردا كولىك قوزعالىسىنا شەكتەۋ ەنگىزدى, دەپ حابارلايدى Egemen.kz.
ات قۇلاعى كورىنبەيتىن اق تۇتەك بوراننان جۇزدەگەن كولىك جولدا قالىپ, قۇتقارۋشىلاردىڭ كومەگىنە ءماجبۇر بولعان.
- ءوڭىر تراسسالارىندا 719 جەڭىل كولىك, 605 جۇك كولىگى جانە 16 قوعامدىق كولىك جولدا قالعان. اۋا رايىنىڭ بۇزىلۋى قوزعالىستى قيىنداتىپ, جول-كولىك وقيعاسىن تۋىنداتتى. ماسەلەن, قاراعاندى-تەمىرتاۋ جولىندا بىرنەشە كولىك سوقتىعىسقان ءۇش جول-كولىك وقيعاسى بولدى. زارداپ شەككەندەر جوق. اپاتقا نەگىزىنەن جولدىڭ ناشار كورىنۋى جانە جۇرگىزۋشىلەردىڭ جىلدامدىق رەجيمىن ساقتاماۋى سەبەپ بولدى, - دەپ حابارلادى پوليتسيا.
پوليتسيا قىزمەتكەرلەرى وبلىس تۇرعىندارىن ۇزاق جولعا شىقپاۋعا, جول ەرەجەسىن ساقتاۋعا جانە مارشرۋتتاردى جوسپارلاۋ كەزىندە اۋا-رايىن ەسكەرۋگە شاقىرادى.