بەكتەنوۆ پرەزيدەنتتىڭ الماتىدا بۇۇ ورتالىعىن قۇرۋ باستاماسىنىڭ ماڭىزدىلىعىن اتادى

پرەزيدەنت قاسىم-جومارت توقاەۆ پەن بۇۇ ازىق-ت ۇلىك جانە اۋىل شارۋاشىلىعى ۇيىمىنىڭ (FAO) باسشىسى تسيۋي دۋنيۋي اراسىنداعى قول جەتكىزىلگەن ۋاعدالاستىقتاردى جۇزەگە اسىرۋ جوسپارلارى تالقىلاندى. قازاقستان – FAO ارىپتەستىك باعدارلاماسى شەڭبەرىندە بىرلەسكەن جوبالاردى ىسكە اسىرۋعا نازار اۋدارىلىپ جاتىر. ۇيىمنىڭ ەلىمىزدەگى پورتفەلى 55 جوبادان تۇرادى.

ء«بىز سىزدەرمەن كەشە الماتىدا ورتالىق ازيا مەن اۋعانستان ەلدەرى ءۇشىن ورنىقتى دامۋ ماقساتتارى جونىندەگى بۇۇ ورتالىعىن قۇرۋ تۋرالى ماڭىزدى شەشىم قابىلدانعاننان كەيىن كەزدەسىپ وتىرعانىمىز نازار اۋدارتادى. مەملەكەت باسشىسىنىڭ باستاماسىن بۇۇ باس اسسامبلەياسىنا مۇشە بارلىق ەل ءبىراۋىزدان قولداعانى قۋانتادى. بۇل – جوعارى سەنىم مەن ۇلكەن جاۋاپكەرشىلىكتىڭ بەلگىسى. بۇگىنگى ديالوگ اگروونەركاسىپ كەشەنى مەن سۋ رەسۋرستارى سالاسىنداعى ىنتىماقتاستىق ماسەلەلەرىن جان-جاقتى قاراستىرۋعا مۇمكىندىك بەرەتىنىنە سەنىمدىمىن. قازاقستان ءداندى جانە مايلى داقىلدار ءوندىرۋ مەن ەكسپورتتاۋ بويىنشا  ورتالىق ازيا وڭىرىندە كوشباسشى ەل سانالادى. ءبىز اۋىل شارۋاشىلىعى ونىمدەرىن قايتا وڭدەۋدى بەلسەندى دامىتىپ, جوعارى دەڭگەيدە وڭدەلگەن ءونىم ۇلەسىن 70%-عا دەيىن جەتكىزۋگە نيەتتىمىز. الداعى ءۇش جىلدا اوك-تە قۇنى $4,8 ملرد-تى قۇرايتىن 600-دەن استام ينۆەستيتسيالىق جوبانى ىسكە اسىرۋدى جوسپارلاپ وتىرمىز. بۇل ماقساتتارعا قول جەتكىزۋدە FAO ماڭىزدى ستراتەگيالىق سەرىكتەس بولىپ وتىر», دەپ اتاپ ءوتتى ولجاس بەكتەنوۆ.

بۇگىندە ازىق-ت ۇلىك قاۋىپسىزدىگىنىڭ جاھاندىق يندەكسىندە قازاقستان 113 ەل ىشىندە 32-ءشى ورىندا تۇر. وتاندىق اۋىل شارۋاشىلىعى ونىمدەرى 80 ەلگە ەكسپورتتالادى. وتكەن جىلدىڭ قورىتىندىسى بويىنشا اگروونەركاسىپ كەشەنىن قولداۋ بويىنشا قابىلدانعان شارالار ناتيجەسىندە جالپى ءونىمنىڭ ءوسىمى 13,7%-دى قۇرادى.

باس ديرەكتوردىڭ ورىنباسارى – FAO-نىڭ ەۋروپا جانە ورتالىق ازيا بويىنشا وڭىرلىك وكىلى ۆيورەل گۋتسۋ قازاقستاننىڭ اگروونەركاسىپ سەكتورىنداعى ەلەۋلى الەۋەتىن اتاپ ءوتىپ, اۋىلدىق اۋماقتاردى ورنىقتى دامىتۋ ءۇشىن ىنتىماقتاستىقتى كەڭەيتۋدىڭ ماڭىزدىلىعىن ايتتى.

«قازاقستان يننوۆاتسيالىق تاسىلدەر مەن تەحنولوگيالاردى ەنگىزە وتىرىپ, اۋىل شارۋاشىلىعىن دامىتۋعا, سونداي-اق قارجىلاندىرۋ مەن ينۆەستيتسياعا قولجەتىمدىلىكتى جاقسارتۋعا بەلسەندى ۇمتىلىپ وتىر. قازاقستان 2018 جىلعى شىلدەدە قازاقستان ۇكىمەتى مەن FAO اراسىنداعى نەگىزدەمەلىك كەلىسىمدى راتيفيكاتسيالادى. «FAO-قازاقستان ارىپتەستىك باعدارلاماسى» (فقاب) وسى كەلىسىمنىڭ اجىراماس بولىگى بولىپ سانالادى. قازاقستاننىڭ اۋىل شارۋاشىلىعى مينيسترلىگى قارجىلاندىراتىن فقاب-تىڭ نەگىزگى باعىتتارى ازىق-ت ۇلىك قاۋىپسىزدىگىن ارتتىرۋ, اگروبيزنەستى تسيفرلاندىرۋ, رەسۋرستاردى تۇراقتى باسقارۋ جانە ەكسپورتتىق الەۋەتتى دامىتۋ, بۇل اۋىلدىق اۋماقتاردىڭ ورنىقتى وسۋىنە جانە اۋىل تۇرعىندارىنىڭ ءومىرىن جاقسارتۋعا ىقپال ەتەدى», دەدى ۆيورەل گۋتسۋ. 

سونىمەن قاتار سۋ رەسۋرستارى سالاسىنداعى ىنتىماقتاستىقتىڭ كەلەشەگى تالقىلاندى. قازاقستان سۋ شارۋاشىلىعى سالاسىن اۋقىمدى جاڭعىرتۋ, ونىڭ ىشىندە جاڭا 20 سۋ قويماسىن سالۋ جانە كەمىندە قولدانىستاعى 15  سۋ قويماسىن رەكونسترۋكتسيالاۋ, سونداي-اق 3,5 مىڭ شاقىرىمنان استام يرريگاتسيالىق ارنالاردى رەكونسترۋكتسيالاۋ جانە تسيفرلاندىرۋ جۇزەگە اسىرىلادى. كەزدەسۋگە قاتىسۋشىلار كاسپي تەڭىزىندەگى ەكولوگيالىق ماسەلەنى شەشۋ ۇزاقمەرزىمدى حالىقارالىق ءوزارا ءىس-قيمىلدىڭ باسىم مىندەتىنە اينالۋى ءتيىس ەكەنىن اتاپ ءوتتى.

كەزدەسۋ قورىتىندىسى بويىنشا ءوزارا ءتيىمدى ىنتىماقتاستىقتى ودان ءارى دامىتۋ جانە بىرلەسكەن باستامالاردى تابىستى ىسكە اسىرۋ ءۇشىن ءوزارا ءىس-قيمىلدى نىعايتۋعا دايىندىق راستالدى.