1 ناۋرىز – العىس ايتۋ كۇنى جانە قازاقستان حالقى اسسامبلەياسىنىڭ 30 جىلدىعى قارساڭىندا استانالىق دومبىراشى ءارى الپينيست الىبەك قايىربەك اسسامبلەيا شىڭىنىڭ (4068 م) باسىندا دومبىرامەن كۇي تارتىپ, قازاق ءۇنىن اۋەلەتتى, دەپ جازادى Egemen.kz.
ول سونداي-اق, سول جەردە اسسامبلەيا تۋىن جەلبىرەتىپ, بارشا قازاقستاندىقتاردى وسى ايتۋلى مەرەكەمەن قۇتتىقتادى.
ايتا كەتەيىك, بۇعان دەيىن الىبەك قايىربەك ەلبرۋس پەن كيليماندجارو شىڭدارىن باعىندىرىپ, ۇلتتىق مادەنيەتتى دارىپتەپ, الەم جۇرتشىلىعىن قازاق ونەرىنىڭ سۇلۋلىعىمەن شابىتتاندىردى.
بۇل جولعى ەكسپەديتسيا ەرەكشە مانگە يە بولدى, سەبەبى ول قازاقستان حالقى اسسامبلەياسىنىڭ 30 جىلدىعىنا ارنالدى.