قما استانا قالاسى بويىنشا دەپارتامەنتى پروكۋراتۋرانىڭ ۇيلەستىرۋىمەن سوت ساراپتامالارى ورتالىعىنىڭ لاۋازىمدى تۇلعالارى مەن مەردىگەر ۇيىم باسشىسىنا قاتىستى 2 ملرد تەڭگەدەن استام بيۋدجەت قاراجاتىن جىمقىرۋ فاكتىسى بويىنشا سوتقا دەيىنگى تەرگەۋ ءىسىن تىركەدى, دەپ حابارلايدى Egemen.kz.
2023–2025 جىلدارعا ارنالعان ناشاقورلىق پەن ەسىرتكى بيزنەسىنە قارسى كۇرەس جونىندەگى كەشەندى جوسپار اياسىندا سوت-ساراپتاما ورگاندارىن ماتەريالدىق-تەحنيكالىق جابدىقتاۋ ماقساتىندا رەسپۋبليكالىق بيۋدجەتتەن 10,3 ملرد تەڭگە ءبولىندى.
الايدا, 2023–2024 جىلدارى سوت ساراپتامالارى ورتالىعىنىڭ لاۋازىمدى تۇلعالارى مۇددەلى توپپەن الدىن-الا كەلىسىپ, بيۋدجەت ءوتىنىمىن قالىپتاستىرۋ كەزىندە جالعان كوممەرتسيالىق ۇسىنىستار ۇسىنۋ ارقىلى جابدىقتىڭ قۇنىن ءۇش ەسە ارتتىرعان.
بۇدان بولەك, مەملەكەتتىك ساتىپ الۋ كونكۋرسى جاريالانباي تۇرىپ, تەحنيكالىق سيپاتتامالاردا تەك وزدەرى تانيتىن كومپانيالار عانا ۇسىنا الاتىن جابدىقتار كورسەتىلگەن.
«م ۇلىكتى تاركىلەۋ ماقساتىندا جالپى قۇنى 148 ملن تەڭگەدەن اساتىن الماتى قالاسىنداعى 2 جەر تەلىمى, استانا قالاسىنداعى پاتەر جانە BMW ح6 مەن RAV 4 اۆتوكولىكتەرىنە تىيىم سالىندى», دەپ حابارلادى قما ءباسپاسوز قىزمەتى
سونىمەن قاتار, بانك ەسەپشوتتارىنداعى 1,6 ميلليارد تەڭگە, 367 مىڭ اقش دوللارى جانە 366 مىڭ ەۋرو سوماسىنداعى كومپانيانىڭ اقشا قاراجاتى بۇعاتتالدى.
قۇقىقتىق ساراپتاما ورتالىعىنىڭ ديرەكتورى, مەملەكەتتىك ساتىپ الۋ دەپارتامەنتىنىڭ باسشىسى جانە جشس باسشىسى ۇستالىپ, سوت ولاردى 2 ايعا قاماۋدا ۇستاۋ جونىندە شەشىم قابىلدادى.
قر كونستيتۋتسياسىنىڭ 77-بابىنىڭ 3-تارماعىنىڭ 1-تارماقشاسىنا جانە قر قىلمىستىق-پروتسەستىك كودەكسىنىڭ 19-بابىنىڭ 1-بولىگىنە سايكەس, قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن اركىم كىناسىز دەپ ەسەپتەلەدى.
سوتقا دەيىنگى تەرگەۋ جالعاسۋدا.