بۇگىن ۇكىمەت وتىرىسىندا سوت شەشىمدەرى نەگىزىندە ماجبۇرلەپ ورىنداۋ ينستيتۋتىن جەتىلدىرۋگە باعىتتالعان بىرقاتار يننوۆاتسيالىق شەشىمدەر تالقىلانىپ جاتىر, دەپ جازادى Egemen.kz.
ادىلەت ءمينيسترى ەرلان سارسەمباەۆ «تسيفرلىق اسسيستەنت» ەنگىزە وتىرىپ, ء«وندىرىپ الۋشى مەن بورىشكەردىڭ جەكە كابينەتى» پىسىقتالاتىنىن ايتتى.
بۇل قۇرال پايدالانۋشىلارعا سوت شەشىمدەرىنىڭ ورىندالۋىنىڭ بارلىق كەزەڭىن باقىلاۋعا مۇمكىندىك بەرەدى. ءوندىرىپ الۋشىلار مەن بورىشكەرلەر سوت ورىنداۋشىسىنىڭ قانداي ارەكەتتەردى ورىنداعانىن, سونداي-اق بولاشاقتا نە ىستەۋ كەرەك ەكەنىن كورە الادى.
«پايدالانۋشىلار سوت ورىنداۋشىسىنىڭ ارەكەتتەرىنە نەمەسە ارەكەتسىزدىگىنە قاتىستى ارەكەت ەتەدى. سونداي-اق ۇسىنۋ مەرزىمى وتۋىنە بايلانىستى كەرى قايتارىلعان اتقارۋشىلىق قۇجاتتار بويىنشا م ۇلىككە سالىنعان تىيىمدى, رەسپۋبليكادان شىعۋعا ۋاقىتشا شەكتەۋدى, بورىشكەرلەر تىزىلىمىنەن شىعارۋدى ۋاقىتىلى شەشپەۋ ماسەلەسىن اۆتوماتتاندىرۋ ارقىلى شەشۋگە مۇمكىندىك بەرەدى», دەدى ادىلەت ءمينيسترى ەرلان سارسەمباەۆ.
ەلىمىزدە زياتكەرلىك مەنشىكپەن ءتيىمدى جۇمىس ىستەۋ ءۇشىن دە تسيفرلىق پلاتفورما ازىرلەنەدى. اۆتورلار مەن وزگە دە قۇقىق يەلەرى ءوز تۋىندىلارىن پايدالانۋدىڭ بارلىق كەزەڭىن ونلاين-فورماتتا باقىلايدى. بۇل قاتاردا شارتتاردىڭ قالاي جاسالاتىنىن, سىياقىلاردى جيناقتاۋ جانە ءبولۋ, سونداي-اق تولەمدەردى قاداعالاۋ بولىمدەرى بار. تسيفرلىق پلاتفورما اۆتورلىق مازمۇندى جاسايتىندار ءۇشىن اشىق ءارى ىڭعايلى بولماق. وسى ارقىلى ولاردىڭ مۇددەسىن ءتيىمدى قورعاۋ كوزدەلگەن.