ءبىلىم بەرۋ ينفراقۇرىلىمىن قولداۋ قورى ەسەبىنەن سالىناتىن 28 جاڭا مەكتەپ – 22 مىڭ وقۋشى ورنىنا ارنالعان, دەپ حابارلايدى Egemen.kz.
مەملەكەت باسشىسىنىڭ تاپسىرماسى بويىنشا قۇرىلعان قور جەمقورلاردان تاركىلەنگەن قاراجات ەسەبىنەن تولىقتىرىلىپ كەلەدى, نەگىزگى ماقساتى ءبىلىم بەرۋ ۇيىمدارى ءۇشىن جاڭا عيماراتتار سالۋ, كەڭەيتۋ ارقىلى اپاتتى مەكتەپتەردى جانە ورىن تاپشىلىعىن جويۋ.
«مەملەكەت بالالار ءۇشىن قولايلى جاعداي جاساۋعا ەرەكشە كوڭىل ءبولىپ كەلەدى. بۇگىندە 74,4 مىڭ ورىندىق 61 مەكتەپ پايدالانۋعا بەرىلدى, ونىڭ 29-ى اۋىلدىق ەلدى مەكەندەردە ورنالاسقان», دەپ اتاپ ءوتتى ينفراقۇرىلىمدى دامىتۋ دەپارتامەنتىنىڭ باسقارما باسشىسى جايىق ماحسۋتوۆ.
سالا مينيسترلىگىنىڭ ءباسپاسوز قىزمەتىنىڭ مالىمەتىنشە ءبىلىم بەرۋ ينفراقۇرىلىمىن قولداۋ قورىنىڭ ەسەبىنەن 100 مىڭعا جۋىق وقۋشى ورنىنا ارنالعان 89 مەكتەپتىڭ قۇرىلىسى قارجىلاندىرىلعان.
2024 جىلى زاماناۋي قۇرال-جابدىقتارمەن جابدىقتالعان 25 مەكتەپ سالىنعان, باسىم بولىگى استانا قالاسىندا جانە ماڭعىستاۋ, الماتى, جامبىل وبلىستارىندا ورنالاسقان.