قازاقستان تۇركياعا ەت جەتكىزۋدى جوسپارلاپ وتىر. بۇل تۋرالى اۋىل شارۋاشىلىعى ۆيتسە-ءمينيسترى ەرمەك كەنجەحان ۇلى مالىمدەدى, دەپ حابارلايدى Egemen.kz.
شەنەۋنىك وتكەن جىلدىڭ قورىتىندىسىنا سايكەس قازاقستان مەن تۇركيا اراسىنداعى تاۋار اينالىمىنىڭ كولەمى شامامەن 285 ميلليون دوللاردى قۇراعانىن حابارلادى.
«ەكسپورتتىڭ نەگىزگى ءتاۋارلارى – داندى جانە بۇرشاقتى داقىلدار. تۇركيا تاراپىنان نەگىزگى يمپورت – كوكونىستەر, جەمىستەر, جاڭعاقتار جانە باسقا دا داقىلدار», دەدى ەرمەك كەنجەحان ۇلى .
ونىڭ ايتۋىنشا, قازاقستان تۇركياعا ەت ەكسپورتتاۋدى جوسپارلاپ وتىر.
ء«بىز قازىر ەت پەن ەت ونىمدەرىنىڭ ەكسپورتىن قامتاماسىز ەتۋ شارالارىن جۇرگىزىپ جاتىرمىز. وسى ماقساتتا ءبىز تۇركيانىڭ ۆەتەرينارلىق قىزمەتىمەن ءتيىستى جۇمىس اتقارامىز. سونداي-اق, ەت پەن ەت ونىمدەرىن تۇركياعا ەكسپورتتاۋعا نيەتتى كاسىپورىندارمەن كەلىسەمىز», دەدى ۆيتسە-مينيستر.