الماتىداعى ع.مۇسىرەپوۆ مۋزەي-ءۇيىنىڭ ەكسپوزيتسياسىنا ساحا جازۋشىلارىنىڭ عابەڭە بەرگەن سىيلىعى – كەزدىك قىنىمەن قويىلعان. كەزدىك ءپىلدىڭ سۇيەگىنەن جاسالعان. سىرتقى بولىگىنە جۇرەك تارىزدەس ويۋلار جانە ءتۇرلى-ءتۇستى ورنەكتەر تۇسكەن.
كەزدىكتىڭ ءتۇسى – اشىق قوڭىر. سابىنىڭ جوعارعى بولىگىندە «ياكۋتيا. 50 لەت يااسسر» دەگەن جازۋ بار. ءجۇزىنىڭ ەكى جاعى ەكى ءتۇرلى. ءبىر جاعى دوڭەستەنىپ جاسالسا, ەكىنشى جاعىنا ويىق تۇسكەن. جۇزىنە كيگىزىلگەن قىنىنىڭ ۇزىندىعى – 15 سم. جوعارعى تۇسىنا «گ.م.مۋسرەپوۆۋ وت ياكۋتسكيح پيساتەلەي» دەگەن جازبا تۇسكەن. قىنىنا ءجىپ وتكىزەتىن تەسىك جاسالعان. جالپى باعاسى – 57 سوم, 80 تيىن ەكەندىگى كورسەتىلگەن. كەزدىكتىڭ جالپى ۇزىندىعى – 26 سم; سابىنىڭ ۇزىندىعى – 11 سم, ەنى – 3 سم; ءجۇزىنىڭ ۇزىندىعى – 12 سم.
ياكۋت پىشاعى – وسى حالىقتىڭ مۋزىكالىق اسپابى حومۋس, گاۋھار تاستار جانە باتىرلىق ەپوسىمەن قاتار ەڭ تانىمال ۇلتتىق برەندى. كەزدىك – ۇل بالا دۇنيەگە كەلگەن كەزدە سالتاناتتى جانە ايتۋلى كۇندەرگە بەرىلەتىن قۇندى جانە ەستەلىك سىيلىق. ول ەرەكشە قۇرمەتتى, وتە سىيلى, ەڭ سەنىمدى ادامدارعا بەرىلەتىن بولعان. ياعني بۇل سىيلىق ياكۋت جازۋشىلارىنىڭ عابەڭە دەگەن قۇرمەتىن, ىستىق ءىلتيپاتىن اڭعارتسا كەرەك.
راشيدا وتار,
س.مۇقانوۆ پەن ع.مۇسىرەپوۆتىڭ ادەبي-مەموريالدىق مۋزەي كەشەنىنىڭ عىلىمي قىزمەتكەرى
الماتى