قازاقستاندا تاعى ەكى جول اقىلى بولادى

قر كولىك ءمينيسترىنىڭ م. ا. 2025 جىلعى № 39 جانە № 40 بۇيرىقتارىنا سايكەس «قوستاناي-رف شەكاراسى» (ترويتسكە) جانە «اقتوبە-رف شەكاراسى» (ورىنبورعا) اۆتوجولدارىنىڭ ۋچاسكەلەرى اۆتوبۋس پەن جۇك كولىكتەرىنە اقىلى بولادى.

1. «قوستاناي-رف شەكاراسى (ترويتسكە)» اۆتوجولىنىڭ 539-376 شاقىرىم ارالىعىنداعى ۋچاسكەسى (م-36). جۇرگىزۋشىلەرگە «رف شەكاراسى (ەكاتەرينبۋرگكە)-الماتى» رەسپۋبليكالىق ماڭىزى بار اۆتوموبيل جولى جانە «قوستاناي-رۋدنىي-ايەت-رف شەكاراسى» اۋداندىق ماڭىزى بار اۆتوموبيل جولدارى ارقىلى بالامالى جول ۇسىنىلادى.

اقىلى ۋچاسكەنىڭ ۇزىندىعى 163 شاقىرىمدى قۇرايدى. ءىى جانە ءىىى تەحنيكالىق ساناتتان تۇرادى. ءجۇرىپ ءوتۋ جولاعىنىڭ ەنى - كەمىندە 3,5 مەتر, قوزعالىس جولاقتىڭ سانى - 2 جانە 1 ەكى باعىتتا جولاق.

2. II ساناتتاعى اقتوبە-مارتوك-رف شەكاراسى (ورىنبورعا) رەسپۋبليكالىق ماڭىزى بار جالپىعا ورتاق پايدالانىلاتىن اۆتوموبيل جولىنىڭ اقتوبە-رەسەي فەدەراتسياسىنىڭ شەكاراسى (ورىنبورعا) 17+000 — 99+692 كم ۋچاسكەسى.

ءجۇرىپ ءوتۋ اقتوبە - رف شەكاراسى (ورسكقا) رەسپۋبليكالىق ماڭىزى بار بالامالى جول ارقىلى جۇزەگە اسىرىلۋى مۇمكىن.

اقىلى جول ۋچاسكەسىنىڭ ۇزىندىعى 82 شاقىرىم 692 مەتردى قۇرايدى. جول ءىى ساناتقا جاتادى, ونىڭ ەنى - كەمىندە 3,75 مەتر, ال جولاعىنىڭ سانى - ەكى باعىتتا 1 جولاق.

«اركالاردا ورناتىلعان جوعارى جىلدامدىقتى كامەرالار اقىلى ۋچاسكەلەردە اۆتوموبيلدەردىڭ قوزعالىسىن, ولاردىڭ جىلدامدىعى مەن قارقىندىلىعىن تىركەيدى. اۆتوجولدا تولەم بەكەتتەرى بولمايدى, ونىڭ ورنىنا ىڭعايلى «اشىق» تولەم جۇيەسى قولدانىلادى. شلاگباۋمدار مەن وتكىزۋ پۋنكتتەرى قويىلماعاندىقتان كەپتەلىستەر بولمايدى, بۇل قوسىمشا قاۋىپسىزدىكتى قامتاماسىز ەتىپ, ساپار ۋاقىتىن قىسقارتادى. جول ءجۇرۋ تولەمى قولما-قول اقشاسىز جۇرگىزىلەدى. پايدالانۋشىلاردىڭ قولايلىعى ءۇشىن تولەم جاساۋدىڭ 10-عا جۋىق ءادىسى بار: ينتەرنەت-بانكينگتەر, تولەم تەرمينالدارى مەن ەلەكتروندىق ءامياندار, ۇيالى تەلەفون بالانسىنان, ە100 جانارماي كارتاسى ارقىلى, جانە زاڭدى تۇلعالارمەن كەلىسىم شارت جاساۋ. الدىن-الا تولەم الدەقايدا ارزان بولعاندىقتان, تولەماقىنى ۋاقتىلى جاساۋعا كەڭەس بەرەمىز», دەلىنگەن «قازاۆتوجول» تاراتقان اقپاراتتا.

اقتوبە-رف شەكاراسى (ورىنبورعا) اۆتوجولىنىڭ ءبىر باعىتتاعى جول اقىسىنىڭ قۇنى:

— 16 ورىنعا دەيىنگى اۆتوبۋستار جانە جۇك كوتەرگىشتىگى 2,5 ت دەيىن جۇك اۆتوموبيلدەرى ءۇشىن: الدىن الا تولەم — 515 تەڭگە, كەيىنگى تولەم — 600 تەڭگە;

— 32 ورىنعا دەيىنگى اۆتوبۋستار جانە جۇك كوتەرگىشتىگى 5,5 ت دەيىن جۇك اۆتوموبيلدەرى ءۇشىن: الدىن الا تولەم — 1040 تەڭگە, كەيىنگى تولەم — 1220 تەڭگە;

— 32 ورىن نان اساتىن اۆتوبۋستار جانە جۇك كوتەرگىشتىگى 10 ت دەيىن اۆتوپوەزدار ءۇشىن: الدىن الا تولەم — 1545 تەڭگە, كەيىنگى تولەم — 1820 تەڭگە;

— جۇك كوتەرگىشتىگى 10 ت جوعارى 15 ت دەيىنگى جۇك اۆتوموبيلدەرى ءۇشىن: الدىن الا تولەم — 2080 تەڭگە, كەيىنگى تولەم — 2440 تەڭگە;

— جۇك كوتەرگىشتىگى 15 ت جوعارى جۇك اۆتوموبيلدەر, ونىڭ ىشىندە تىركەمەلەرى بار ەرشىكتى تارتقىشتار ءۇشىن: الدىن الا تولەم — 2580 تەڭگە, كەيىنگى تولەم — 3040 تەڭگە.

قوستاناي-رف شەكاراسى (ترويتسكە) اۆتوجولىنىڭ ءبىر باعىتتاعى جول اقىسىنىڭ قۇنى:

— 16 ورىنعا دەيىنگى اۆتوبۋستار جانە جۇك كوتەرگىشتىگى 2,5 ت دەيىن جۇك اۆتوموبيلدەرى: الدىن الا تولەم — 1010 تەڭگە, كەيىنگى تولەم — 1190 تەڭگە;

— 32 ورىنعا دەيىنگى اۆتوبۋستار جانە جۇك كوتەرگىشتىگى 5,5 ت دەيىن جۇك اۆتوموبيلدەرى: الدىن الا تولەم — 2055 تەڭگە, كەيىنگى تولەم — 2415 تەڭگە;

— 32 ورىننان اساتىن اۆتوبۋستار جانە جۇك كوتەرگىشتىگى 10 ت دەيىن اۆتوپويىزدار: الدىن الا تولەم — 3065 تەڭگە, كەيىنگى تولەم — 3610 تەڭگە;

— جۇك كوتەرگىشتىگى 10 ت جوعارى 15 ت دەيىنگى جۇك اۆتوموبيلدەرى: الدىن الا تولەم — 4100 تەڭگە, كەيىنگى تولەم — 4825 تەڭگە;

— جۇك كوتەرگىشتىگى 15 ت جوعارى جۇك اۆتوموبيلدەرى, ونىڭ ىشىندە تىركەمەلەرى بار ەرشىكتى تارتقىشتار: الدىن الا تولەم — 5120 تەڭگە, كەيىنگى تولەم — 6030 تەڭگە.