سۇرمەرگەندەرىمىز ازيا كۋبوگىندە 14 رەت جەڭىس تۇعىرىنا كوتەرىلدى, دەپ حابارلايدى Egemen.kz.
بايراقتى باسەكەنى تايلاندتىڭ بانگكوك قالاسى وتكىزىپ جاتىر. وعان 23 مەملەكەتتەن 320-عا جۋىق سپورتشى قاتىستى.
ەل نامىسىن قورعاۋعا اتتانعان نىسانا كوزدەۋ شەبەرلەرى اراسىنان كونستانتين مالينوۆسكي, ولەگ نوسكوۆ, كيريلل تسۋكانوۆ جانە ەليزاۆەتا بەزرۋكوۆالار ەڭ ۇزدىك ناتيجە تىركەپ, ءوز باعىتتارىندا چەمپيون اتاندى.
بۇعان قوسا, قازاقستاندىق قىز-جىگىتتەر كوماندالىق سىنداردا دا ءساتتى ونەر كورسەتتى. ناقتىراق ايتقاندا, ەرلەر اراسىندا پنەۆماتيكالىق ۆينتوۆكامەن 10 مەتردەگى نىسانانى كوزدەۋدە جەرلەستىرمىز جەڭىسكە جەتتى. ارتىنشا تاپانشامەن 10 مەتردەگى نىسانانى كوزدەۋدىڭ كوماندالىق سىنىندا دا قازاقستاننىڭ جاسوسپىرىمدەر كومانداسى توپ جاردى.
جالپى العاندا قورجىنىمىزدا قازىر 5 التىن, 6 كۇمىس, جانە 3 قولا مەدال بار. سونىڭ ارقاسىندا جالپىكوماندالىق ەسەپتە ازىرگە 1-ءشى ورىندا تۇرمىز جانە جارىس سوڭىنا دەيىن وسى دەڭگەيدى ساقتاپ قالارىمىزعا سەنىم بار. بانگكوك قالاسىنداعى قۇرلىقتىق دودا 22 اقپانعا دەيىن جالعاسادى.