رۋسلان جەلدىباي جاڭا قىزمەتكە تاعايىندالدى

رۋسلان جەلدىباي  قازاقستان رەسپۋبليكاسى پرەزيدەنتىنىڭ كەڭەسشىسى قىزمەتىن قوسا اتقارادى.

ول 1989 جىلى دۇنيەگە كەلگەن.

2010 جىلى ت.رىسقۇلوۆ اتىنداعى قازاق ەكونوميكالىق ۋنيۆەرسيتەتىن بىتىرگەن. «بولاشاق» حالىقارالىق ءبىلىم بەرۋ باعدارلاماسىنىڭ تۇلەگى. 2017 جىلى  ۋوريك ۋنيۆەرسيتەتىنىڭ ( ۇلىبريتانيا) ماگيستراتۋراسىن تامامداعان.

2011-2012 جج. – «قازاقستان» ۇلتتىق تەلەارناسىندا رەداكتور;

2012-2018 جج. – «الماتى» تەلەارناسىندا ءبولىم باسشىسى, پروديۋسەر;

2018-2019 جج. – قر اقپارات جانە قوعامدىق دامۋ مينيسترلىگىنىڭ اقپارات كوميتەتى ينتەرنەت كەڭىستىكتە جانە الەۋمەتتىك جەلىلەردە اقپاراتتىق جۇمىس جۇرگىزۋ باسقارماسىنىڭ باسشىسى;

2019-2020 جج. – قر اقپارات جانە قوعامدىق دامۋ مينيسترلىگىنىڭ اقپارات كوميتەتى  توراعاسىنىڭ ورىنباسارى;

2020 جىلدىڭ مامىر ايىنان 2022 جىلدىڭ اقپان ايىنا دەيىن – قر پرەزيدەنتى اكىمشىلىگى ىشكى ساياسات ءبولىمى مەڭگەرۋشىسىنىڭ ورىنباسارى;

2022 جىلدىڭ اقپان ايىنان ءساۋىر ايىنا دەيىن – قر پرەمەر-ءمينيسترى كەڭسەسى باسشىسىنىڭ ورىنباسارى;

2022 جىلدىڭ ءساۋىر ايىنان 2023 جىلدىڭ قاڭتار ايىنا دەيىن – قازاقستان رەسپۋبليكاسى پرەزيدەنتىنىڭ ءباسپاسوز حاتشىسى;

2023 جىلى 5 قاڭتاردا مەملەكەت باسشىسىنىڭ جارلىعىمەن قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ورىنباسارى – پرەزيدەنتتىڭ ءباسپاسوز حاتشىسى بولىپ تاعايىندالدى.

2023 جىلى 1 قىركۇيەكتە مەملەكەت باسشىسىنىڭ جارلىعىمەن قازاقستان رەسپۋبليكاسى پرەزيدەنتىنىڭ ىشكى ساياسات ماسەلەلەر جانە كوممۋنيكاتسيالار جونىندەگى كومەكشىسى بولىپ تاعايىندالعان ەدى. 

بۇعان دەيىن  قازاقستان رەسپۋبليكاسى پرەزيدەنتىنىڭ كەڭەسشىسى – پرەزيدەنتتىڭ ءباسپاسوز حاتشىسى قىزمەتىن اتقارعان بەرىك ءۋاليدىڭ اباي وبلىسىنىڭ اكىمى بولىپ تاعايىندالعانىن حابارلاعانبىز.