تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى كونگو رەسپۋبليكاسىمەن كەلىسىمگە قول قويدى, دەپ جازادى Egemen.kz.
كەلىسىم كونگو رەسپۋبليكاسىنا جەردى قاشىقتان زوندتاۋ سپۋتنيكتەرىنىڭ حالىقارالىق توبىنا قوسىلۋعا مۇمكىندىك بەرەدى. بۇل توپتا قازىر موڭعوليا بار. توپتاعى مەملەكەتتەر دەرەكتەر, مونيتورينگ جانە اناليتيكا سالاسىنداعى وزىق ءجوبالارىن وزارا بولىسە الادى.
«سپۋتنيكتىك پلاتفورمادان بولەك, قازاقستان وقىتۋ مەن تاجىريبە الماسۋدى قامتيتىن كەشەندى شەشىم ۇسىنادى. قازاقستان تەحنولوگيالىق ازىرلەمەلەردىڭ ورتالىعى رەتىندە ءوز پوزيتسياسىن ارتتىرىپ كەلەدى. وسى ورايدا حالىقارالىق ارىپتەستەر ءبىزدىڭ شەشىمىمىزگە سەنىم ارتادى. بۇل – وتاندىق عارىش يندۋسترياسىنىڭ جوعارى دەڭگەيىن راستايتىن ەكىنشى تابىستى ەكسپورتتىق جوبا», دەدى ۆەدومستۆو باسشىسى جاسلان ماديەۆ.
بۇل كەلىسىم قازاقستان مەن كونگو رەسپۋبليكاسى اراسىندا عارىش سالاسىنداعى ستراتەگيالىق ارىپتەستىكتى نىعايتىپ, ەكىجاقتى ءوزارا ءىس-قيمىلدى كەڭەيتۋگە جانە جاڭا تەحنولوگيالىق باستامالاردى دامىتۋعا ىقپال ەتپەك.