3 قاڭتار كۇنى استانا - ششۋچينسك تاس جولىندا 95 كولىك سوقتىعىسىپ, 20 ادام زارداپ شەككەن ەدى. ىشكى ىستەر مينيسترلىگى وسى وقيعاعا بايلانىستى 6 قىلمىستىق جانە 37 اكىمشىلىك ءىس قوزعالعانىن مالىمدەدى, دەپ جازادى Egemen.kz tengrinews.kz - كە سىلتەمە جاساپ.
ءىرى جول-كولىك وقيعاسىنا قاتىستى قىلمىستىق كودەكستىڭ 353-بابىنىڭ 1-بولىگى «قولدانىستاعى كولىك قوزعالىسى ەرەجەلەرىن بۇزۋ» بويىنشا سوتقا دەيىنگى تەرگەۋ باستالعان.
قۇزىرلى ورگان تەرگەۋ اياقتالعاننان كەيىن كىنالىلەر زاڭ شەڭبەرىندە جاۋاپقا تارتىلاتىنىن اتاپ ءوتتى.
مينيسترلىك جول اپاتىنا سەبەپكەر بولعان نەگىزگى كۇدىكتىلەردىڭ ۇستالعان نە ۇستالماعانىن قىلمىستىق-پروتسەسسۋالدىق كودەكستىڭ 201- بابى اياسىندا اقپاراتتى قۇپيا ۇستاۋدى ءجون كورىپ وتىر.
بۇعان دەيىن توتەنشە جاعدايلاردى جويۋ دەپارتامەنتى اپاتتىڭ ناقتى سەبەبىن انىقتاعانىن حابارلاعانبىز.