كىرىستىڭ جاڭا كوزى كەرەك

ۇكىمەت وسى سالادا سالىق تۇسىم­­دە­رىنىڭ كولەمى بويىنشا ەڭ ءىرى – ققس مولشەرلەمەسىن ارتتىرۋدى, سونداي-اق ونى قامتۋدى ۇشتەن ەكى ەسەگە ارتتىرۋدى ۇسىنادى, بۇل رە­س­پۋبليكالىق بيۋدجەتتىڭ كىرىس بولىگىن ەداۋىر ۇلعاي­تۋعا مۇم­­كىندىك بەرەدى. بۇل وزگە امال­دىڭ جوقتىعىنان قا­بىل­­دانىپ وتىرعان شەشىم ەكەنىن ءتۇ­سىنۋى­مىز كەرەك. سالىقتى كوتەرمەي قا­زىر­گى تىعىرىقتان شىعا المايمىز. سا­لىق تۇسiمدەرiنiڭ كولەمiن ۇلعايت­­پاي, ۇلتتىق قورعا تاۋەلدىلىك تومەندەمەيدى.

سونداي-اق وتىرىستا ارتا­راپ­­­تان­دىرۋداعى جەتكiلiك­سiز پروگ­رەسس, شەتەلدiك ينۆەس­تيتسيالار اعى­نى­نىڭ ەداۋiر قىسقارۋى, ينفليا­تسيا­نى تەجەۋ جانە ۆاليۋتا تۇراق­تىلىعىن قام­تاماسىز ەتۋ جونiن­دەگi مiن­دەت­تەردiڭ كۇردەلiلiگi اتاپ كورسەتiلدi. مەملەكەت باس­شىسى ستاگناتسيانىڭ باستالۋ ىق­­تي­مال­دىلىعى جانە ونى بولدىرماۋ كۇردەلى شەشىمدەردى قاجەت ەتە­تىندىگى تۋرالى دا اشىق ايتتى. ەل ءۇشىن ءتيىمدى شارتتاردا ۇزارتۋ, بيۋدجەتارالىق قاتىناستاردى جە­تىل­دىرۋ, بار­لىق دەڭگەيدەگى بيۋدجەت اراسىندا مەملەكەتتىك قارا­جات­تى ۇتىمدى ءبولۋ, ەكونوميكانى ودان ءارى ءارتاراپتاندىرۋ (تۋريزم, حالىقارالىق اۆياتسيا حابى جانە جالپى كولىك پەن لوگيس­تيكانى دامىتۋ), مۇناي ءوندى­رۋدى ۇلعايتۋ, ونىڭ ىشىندە تاقتاتاس مۇنايى كەن ورىن­دارىن يگەرۋ مۇمكىندىگى جان-جاق­تى زەردەلەندى.

قازىر حالىق­تىڭ 20%-عا جۋىعى ءتۇرلى جار­دەماقى الادى. مەم­لەكەت باسشىسى كومەك انا­عۇر­لىم اتاۋ­لى جانە شىن مانىندە مۇقتاج ادامدارعا عانا كورسەتىلۋگە ءتيىس دەدى. ەلىمىز بيۋدجەتتىڭ الەۋ­مەتتىك باع­دار­لانعان مودەلىن ۇس­تا­نادى, وندا شىعىستاردىڭ باسىم بولىگى جاردەماقى, دەنساۋ­لىق ساقتاۋ مەن ءبىلىم بەرۋگە جۇم­­سالادى. الايدا بيۋدجەت تاپ­­شى­لىعى مەن مەملەكەتتىك قارىز­دىڭ ءوسۋى كەزىن­دە مۇنداي ءتاسىل قيىن­دىق­­قا ۇشى­رايدى. ەگەر جۇيەنى وزگەرت­پە­سەك, ول 5-10 جىلدان كەيىن كۇر­دەلى قار­جى داعدارىسىنا ۇشى­راتۋى ابدەن مۇمكىن.

ۇكى­مەتتىڭ كەڭەيتىلگەن وتى­رى­سى­نىڭ باستى قورىتىن­دىسى – شامادان تىس وپتيميستىك بول­جامداردان باس تارتۋ جانە ەكونوميكانى نەعۇرلىم پراگ­ما­تيكالىق باس­قا­رۋ­عا كوشۋ. بىزگە كۇردەلى سىرت­قى كونيۋنك­تۋ­راعا بەيىمدەلۋگە, بيۋدجەت شى­عىن­دارىن قىس­قار­تۋ­عا جانە كىرىستىڭ جاڭا كوزدەرىن ىزدەۋگە تۋرا كەلەدى. ءبارى­­مىزدىڭ قۇلاعىمىزعا جاعا­تىن ادەمى بايانداۋلاردىڭ كۇنى ءوتتى دەپ ەسەپتەيمىز. ەكونو­مي­كاعا قىرا­عىلىق كەرەك.

ۆياچەسلاۆ دودونوۆ,

فيلوسوفيا, ساياساتتانۋ جانە ءدىنتانۋ ينستيتۋتىنىڭ عىلىمي قىزمەتكەرى