جامبىل وبلىسىنىڭ قورداي اسۋىندا قاتتى اياز سالدارىنان جانارمايى قاتقان جۇك كولىگىنىڭ جۇرگىزۋشىسىنە قۇتقارۋشىلار كومەك كورسەتتى. بۇل تۋرالى قر تجم ءباسپاسوز قىزمەتى مالىمدەدى, دەپ حابارلايدى Egemen.kz.
قۇتقارۋشىلار وقيعا ورنىنا ارنايى جول تالعامايتىن كولىكپەن جەتتى. ولار جۇرگىزۋشىنىڭ بەس كۇن بويى وتە اۋىر جاعدايدا بولعانىن انىقتادى.
«كولىك جانارمايى قاتقاندىقتان, ەر ادام تاس جولدا ەش كومەكسىز قالىپ قويعان. قۇتقارۋشىلار وعان دەرەۋ قاجەتتى كومەك كورسەتىپ, دەنساۋلىعىن تەكسەردى. سونىمەن قاتار جۇك كولىگىنىڭ جۇمىسىن قالپىنا كەلتىرۋگە كومەكتەستى», دەلىنگەن تجم مالىمدەمەسىندە.
قۇتقارىلعان ازامات توتەنشە جاعدايلار مينيسترلىگىنە دەر كەزىندە كورسەتىلگەن قولداۋ مەن قۇتقارۋشىلاردىڭ كاسىبي ارەكەتتەرى ءۇشىن العىسىن ءبىلدىردى.