پەتروپاۆل قالاسىنداعى ج.قيزاتوۆ كوشەسىندە اعاش ماتەريالدارىن ساتاتىن كاسىپورىن اۋماعىندا ءورت شىقتى. ءتىلسىز جاۋ ەكى جۇك كولىگى تۇرعان گاراجدا تۇتانعان, دەپ جازادى Egemen.kz اقپارات اگەنتتىگى.
تجم قىزمەتكەرلەرى كاسىپورىن اۋماعىنداعى ءورتتى وقشاۋلادى.
- 252 شارشى مەتر الاڭداعى ءورت وقشاۋلاندى. زارداپ شەككەندەر تۋرالى اقپارات تۇسكەن جوق, – دەپ حابارلايدى تجم ءباسپاسوز قىزمەتى.
كاسىپورىنداعى ماتەريالداردىڭ تەز جاناتىنى دا ءورتتى اۋىزدىقتاۋدا قيىندىق تۋدىردى. الايدا ءورت سوندىرۋشىلەردىڭ شاپشاڭ قيمىلىنىڭ ارقاسىندا تەز ءسوندىرىلدى.
تاپ كەشەگى كۇنى جەزقازعان قالاسىندا ورنالاسقان مۇناي بازالارىنىڭ ءبىرىنىڭ اۋماعىندا ارنايى ماقساتتاعى 3 اۆتوكولىك ورتەنگەن.
ءورت ءسوندىرۋ بولىمشەلەرى كەلگەنگە دەيىن گاز-اۋا قاسپاسى جارىلىپ, انگار قابىرعالارى قيراعان.