«AMANAT» پارتياسى فراكتسيا دەپۋتاتتارى جاناربەك ءاشىمجان ارىپتەستەرى امانجول ءالتاي, قازىبەك الىشەۆپەن بىرگە پرەمەر مينيستر ولجاس بەكتەنوۆكە ۇلتتىق كينوداعى ماڭىزدى ماسەلەلەردى ايتىپ, دەپۋتاتتىق ساۋال جولدادى, دەپ حابارلايدى Egemen.kz.
دەپۋتات ءتۇسىرىلىپ جاتقان فيلمدەردىڭ ساپالىق دەڭگەيى تومەن ەكەندىگىن جەتكىزىپ, ونىڭ ەلىمىزگە تەرىس يميدج تۋدىراتىنىن اتاپ ءوتتى.
«ەڭ قيىنى – قاتاڭ سۇزگىنىڭ جوقتىعىنان قازاقتىڭ كوركەم دە شۇرايلى ءتىلى كۇيرەپ جاتىر. ەكران مەن ەفيردە كوشەنىڭ ءتىلى ۇستەمدىك الا باستادى. سونىمەن قاتار, ءداستۇرىڭدى ءدالدۇرىش قىپ, تەرىس ءدىني اعىمداردىڭ ناسيحاتىن كۇيتتەپ جۇرگەن تاسپالار دا جوق ەمەس», دەدى ول.
بۇعان قوسا جاناربەك ءاشىمجان وتاندىق فيلمدەرگە مەملەكەت تاراپىنان قولداۋدى كۇشەيتۋ كەرەكتىگىن العا تارتتى.
«گەرمانيا كينو سالاسىنا مامان دايىنداۋ ءۇشىن جىل سايىن 76 ميلليون ەۋرو بولەدى. ال وڭتۇستىك كورەيا وتاندىق كينونى قولداۋ ءۇشىن كينوتەاترلاردا كورسەتىلەتىن شەتەلدىك فيلمدەردىڭ ساعاتىن شەكتەيدى», دەپ مىسال كەلتىرىپ, سالاعا جاۋاپتى مينيسترلىك تومەندەگى شارالاردى جەدەلدەتىپ قولعا الۋ كەرەكتىگىن جەتكىزدى.
-ءبىرىنشى, بۇكىل مەملەكەت بويىنشا (مەيلى مەملەكەت بولسىن, مەيلى جەكە تۇلعالار بولسىن) تۇسىرىلەتىن فيلمدەردىڭ يدەولوگيالىق, تىلدىك, ۇلتتىق ۇستانىمىن رەتتەۋ تەتىگىن قاراستىراتىن ارنايى كوركەمدىك-ساراپتامالىق كەڭەس قۇرۋ;
-ەكىنشى, مەملەكەتتىك تىلدەگى ۇلتتىق فيلمدەردىڭ ۇلەس سالماعىنا باسىمدىق بەرۋ;
-ءۇشىنشى, فيلمدەردە مەملەكەتتىك ءتىلدىڭ نورمالارى بۇزىلۋىن قاتاڭ قاداعالاۋ;
-ءتورتىنشى, حالىقتى ارنايى ۇلتتىق كينولاردى كورسەتەتىن كينوتەاترلارمەن قامتاماسىز ەتۋ.