قۋانىش كوبەيگەن كۇن

مادەنيەت ۇيىندە ۇلت پەرزەنتىنىڭ ءومىرى مەن قىزمەتىن ەسكە الۋ كەشى ۇيىمداستىرىلدى. شا­راعا قالا اكىمى اسحات بەردى­حانوۆ قا­تىسىپ, مەملەكەتىمىزدىڭ دامۋىنا زور ۇلەس قوسقان ءور تۇلعانىڭ ەرەن ەڭبەگىن ەرەكشە اتاپ ءوتتى.

«قالامىزعا ەسىمى بەرىلگەن حالقىمىزدىڭ داڭقتى پەرزەنتى, مەملەكەت جانە قوعام قايراتكەرى دىنمۇحامەد احمەت ۇلى قوناەۆ اتامىز ەل باسقارعان جىلدارى كەڭ-بايتاق قازاق جەرىندە 68 جۇمىسشىلار كەنتى مەن 43 قالا سالىندى. ىلە وزەنىنىڭ بويىنا بوگەن تۇرعىزىلىپ, جاڭا سۋ ەلەكتر ستانساسىنىڭ بوي كوتەرۋىنە, وسى ماڭدا جاڭا قاپشاعاي قالاسىنىڭ ىرگەتاسى قالانۋىنا دا ەرەكشە ىقپال ەتتى», دەدى قالا اكىمى.

قالالىق اقساقالدار القاسى­نىڭ توراعاسى بازان ورالباەۆ تا ءوز كەزەگىندە ەلۋ جىل ەل اعاسى اتانعان مەملەكەت قايراتكەرى د.قوناەۆتىڭ ەسىمى تاريحتا التىن ارىپپەن جازىلىپ, حالقىمەن بىرگە جاسايتىنىن ايرىقشا اتادى. مادەني ءىس-شارا اسەم انمەن ءورىلىپ, بيمەن كومكەرىلدى.

سالتاناتتى شارا سوڭىندا الەۋمەتتىك وسال توپتاعى وتباسى­لارعا, كەزەكتە تۇرعان ازامات­تارعا 80 پاتەردىڭ كىلتى تابىس ەتىلىپ, قوناەۆتىقتاردىڭ قۋا­نىشى ەسەلەندى. باسپانالى بولىپ, قۋانىشقا كەنەلگەن وتباسىلار مەملەكەتتىڭ جاساعان قام­قورلىعىنا جۇرەكجاردى ال­عىستارىن جاۋدىردى.

ء«وزىم كوپبالالى انامىن, 7 بالام بار. ءۇي كەزەگىندە 17 جىل­دان بەرى تۇرعان ەدىم. بۇگىن اتامىزدىڭ تۋعان كۇنىندە قولى­مىز جەتتى. قۋانىشتىمىن. الەۋ­مەتتىك وسال توپتاعىلاردى, كوپبالالى انالاردى, جەتىمدەر مەن ارداگەرلەردى قولداپ جۇرگەن­دەرى­ڭىزگە العىسىمىز شەكسىز», دەدى جاڭا ءۇي يەسى نازىم احمە­توۆا.

پاتەرلەر جەكەشەلەندىرۋ قۇ­قىعىنسىز جالعا بەرىلدى. جالعا الۋ قۇنى – قولجەتىمدى. بىلتىر قوناەۆتا 85 وتباسىنا پاتەر كىلتى تابىستالعان بولاتىن.

جالپى, قوناەۆ قالاسىندا جىل باستالعالى بەرى جاعىمدى جاڭالىقتار ءجىبىن ۇزبەي جال­عاسىپ كەلەدى. اتاپ ايتساق, ور­تالىق ساياباققا قازاق ادەبيە­­تىنىڭ كلاسسيگى بەردىبەك سوقپاق­باەۆتىڭ ەسىمى بەرىلسە, ارتىنشا وسى ساياباقتان مۇز ايدىنى اشىلىپ, قالالىقتاردى شات-شا­دىمان ەتتى.

الماتى وبلىسى,

قوناەۆ قالاسى