استانا قالاسىنىڭ ەكى تۇرعىنى قىرعىزستان, تاجىكستان, ازەربايجان جانە رەسەي فەدەراتسياسىنىڭ ازاماتتارىنا جالعان قۇجات جاساۋمەن اينالىسقان, دەپ جازادى Egemen.kz.
ولاردىڭ ءبىرى جالعان نەكە كۋالىكتەرىن, مەديتسينالىق انىقتامالاردى جانە باسقا دا قۇجاتتاردى جاساسا, ەكىنشىسى «كليەنتتەردى» تاۋىپ بەرگەن.
جالعان قۇجات جاساعاندار وسى قىزمەتى ءۇشىن شەتەل ازاماتتارىنان 80 مىڭنان 1 ملن تەڭگە اراسىندا قارجى العان.
سوتتا ولاردىڭ كىناسى تولىق دالەلدەنىپ, 1 جىل 6 اي جانە 2 جىلعا باس بوستاندىعىنان ايىرۋ جازاسىنا كەسىلدى.
ال زاڭسىز الىنعان 107 مىڭ اقش دوللارى, 2,5 ملن تەڭگە جانە 200 مىڭ رۋبل سوماسىنداعى قاراجات مەملەكەت كىرىسىنە تاركىلەنگەن.