جاڭا اۆتوبۋستار جولعا شىقتى

بۇل – قىتاي كولىگى, زاۋىتتىڭ شتاب-پاتەرى چجەنچجوۋ قالاسىندا ورنالاسقان. اۆتوبۋس ناعىز وسى زامانعى قوعامدىق كولىك تالاپتارىنا ساي جاسالعان. كىرەبەرىس باسقىشى بارىنشا تومەن بولعاندىقتان, قارت ادامدار مەن مۇگەدەكتەر وعان قينالماي شىعا الادى. ءىشى كەڭ, ورىندىقتارى ىڭعايلى, جۇرگىزۋشىنىڭ كابيناسى قورشالعان. يۋتونگتىڭ قۇرىلىس ماشينالارى, جىلجىمايتىن م ۇلىك, باسقا دا ينۆەستيتسيالار سالاسىندا كاسىپورىندارى بار. 2016 جىلى ساتىلىم كو­لەمى جونىنەن الەمدەگى ەڭ ءىرى اۆتوبۋس ءوندىرۋشى بولىپ تانىلعان. «يۋتونگ اۆتوبۋس» كومپانياسى كوپتەگەن ەلدە وزدەرىنىڭ فيليالدارىن اشقان. ەلىمىزدە قىتايدىڭ وسىنداي اۆتوبۋستارى 2021 جىلدان بەرى قاراعاندى اۋماعىندا, «QazTehna» زاۋىتىندا جينالادى.

پەتروپاۆل كوشەلەرىنە شىق­قان جاڭا اۆتوبۋستار ءارى بي­ىك, ءارى ۇزىن, تىنىسى كەڭ. سالونى دا بۇرىنعى اۆتوبۋس­تارعا قاراعاندا وزگەر­تىل­گەن. جوعارىدا ايتقانى­مىز­داي, جۇرگىزۋشىنىڭ اينالاسى قورشالىپ, وعان جولاۋشى­لاردىڭ ءتونىپ تۇرۋىنا, سۇراق­تار بەرىپ, سوزگە تارتۋىنا مۇم­كىندىك بەرمەيتىندەي ەتىپ جا­سالعان. اۆتوبۋستىڭ جايلىلىعى جولاۋشىلار تاراپىنان جاقسى باعاسىن الىپ ۇلگەردى.

اۆتوبۋس قىستا جىلىتاتىن, جازدا سۋىتاتىن جىلىتۋ جۇ­يەسى, كوندينتسيونەرلەرمەن دە تولىق قامتىلعان. جولاۋشى تاسى­مالداۋ «Kyzylzhar Buses» جشس-نىڭ باسشىسى باۋىر­جان قۇسايىنوۆ: «جاڭا اۆتو­بۋستاردى «بىرلىك» شاعىن اۋدانىنا جولاۋشىلار تاسىمال­دايتىن №4ا مارشرۋتىنا شىعاردىق. الداعى ۋاقىتتا وسىن­داي اۆتوبۋستار سانىن مولاي­تۋدى جوسپارلاپ وتىرمىز», دەدى.

ايتا كەتەتىن جايت, سوڭعى ءۇش جىلدا كاسىپورىن اۆتوبۋس­تارىن 80%-عا جاڭارتقان ەكەن. سوعان وراي جولاۋشىلار تاراپىنان ارىز-شاعىم دا ازايدى. بىلتىر كاسىپورىن «Yutong», «Dongfeng» فيرمالارىنىڭ 33 جاڭا اۆتوبۋستارىن ساتىپ الدى. دەگەنمەن كاسىپورىن باسشىسى جولداردىڭ ساپاسىنا ريزا ەمەستىگىن دە جاسىرمادى. «اۆ­توبۋس قانشا جاڭا بولسا دا ساپا­سىز جولداردىڭ ۇڭعىل-شۇڭعى­لى ولاردى تەز ىستەن شىعارادى. كەي­بىر جولدارعا ءتىپتى اسفالت تا توسەلمەگەن. مىسالى, جاڭا اۆتوبۋستار قاتىنايتن «بىرلىك» شاعىن اۋدانىنىڭ ءبىراز جەرىندە اسفالت جوق», دەيدى ب.قۇسايىنوۆ.

پەتروپاۆل