قاپىسىز ءىستىڭ قايىرى

جەتىسۋدا شاعىن جانە ورتا بيزنەستىڭ ىلگەرىلەۋى ءۇشىن قارا­پايىم اۋىل ازاماتتارىنا بارىنشا كومەك كورسەتكەن ابزال. كەيبىرى مەملەكەتتەن بەرىلەتىن قايتارىمسىز قارجىنىڭ بار ەكەنىن دە بىلمەيدى. ال بەلگىلى ءبىر كاسىپتى باستاۋعا قولىڭدا قاراجات بولماسا قيىن. ماسەلەن, ۇشتوبەلىك ازامات, بەس بالانىڭ اكەسى, پروباتسيا باقىلاۋىنداعى بەكزات وتەجانوۆ تاعدىردىڭ قيىندىعىمەن كۇرەسە ءجۇرىپ, وتباسىنىڭ تىرشىلىگى ءۇشىن ءوزىنىڭ جەكەمەنشىك دوڭگەلەك جوندەۋ ورتالىعىن اشۋدى كوپتەن بەرى ويلاپ جۇرگەن. الايدا اقشا­نىڭ باسى قۇرالماي, ءىسى كەيىن­گە قالا بەردى. مىنە, ونىڭ بۇل ار­مانىنىڭ ورىندالۋىنا مەم­لەكەت تاراپىنان بەرىلگەن قايتا­رىمسىز گرانتتىڭ ۇلكەن كومەگى ءتيىپ وتىر. قازىر كولىك دوڭگەلەگىن جوندەيتىن شاعىن ورتالىق اشىپ, حالىقتىڭ العىسىن ارقالاپ ءجۇر.

«بۇعان دەيىن دە اۆتوكولىك دوڭگەلەكتەرىن جوندەۋمەن 12 جىل اينالىستىم. بىراق ول كەزدە عيماراتتى جالعا الىپ جۇ­مىس ىستەدىم. ارينە, ءوزىڭنىڭ جەكە ورتالىعىڭ بولعانعا نە جەتسىن. كەيىن مەملەكەتتەن گرانت بەرىلەتىنىن ەستىپ, قۇجات تاپ­سىردىم. ءسويتىپ 1,5 ملن تەڭگە كولەمىندە گرانت الدىم. اعايىن-تۋىستارىمنىڭ كومە­گىمەن ۇشتوبە قالاسىندا لايىق­تى عيمارات سالدىق, گرانت­تىڭ قاراجاتىنا دوڭگەلەك جون­دەۋ­گە كەرەكتى ارنايى قۇرال-جاب­دىقتار ساتىپ الدىم. جاڭادان اشىل­عاننان كەيىن ازىرگە كەلۋ­شىلەر كوپ ەمەس. بىراق وڭىردە اۆتوكولىك كوپ بولعاندىقتان, بىرتە-بىرتە كليەنتتەر قاتارى دا كوبەيەدى دەپ ويلايمىن, سول كەزدە جانىما ءبىر ادامدى جۇمىسقا السام دەگەن جوس­پارىم بار», دەيدى ب.وتەجانوۆ.

قاراتال اۋداندىق اكىمدىگىنىڭ مالىمەتىنە قاراعاندا, اۋدان كولەمىندە 58 ادام قايتارىمسىز گرانت الۋعا ءوتىنىش بەرگەن. سونىڭ 18-ىنە وڭ شەشىم شىعارىلىپ, مەملەكەت قولداۋىنا يە بولعان.

«2024 جىلى اۋداندا قايتا­رىم­سىز گرانتقا جالپى سوماسى 25,6 ملن تەڭگە ءبولىنىپ, ءار ازاماتقا 400 ايلىق ەسەپتىك كور­سەتكىش, ياعني 1 ملن 476 مىڭ تەڭگە كولەمىندە گرانت بەرىلدى. قولداۋعا يە بولعاندار اراسىندا كوپبالالى, از قامتىلعان وتباسىلار, مۇمكىندىگى شەكتەۋلى جاندار, جالپى ءتۇرلى ساناتتاعى ازاماتتار بار. ولار نەگىزىنەن پلاستيك تەرەزە شىعارۋ, قۇمبلوك ءوندىرۋ, دوڭگەلەك جوندەۋ, مال شارۋاشىلىعىن دامىتۋ سياقتى سان ءتۇرلى باعىتتا جۇمىستارىن باستادى», دەيدى قاراتال اۋدانى اكىمىنىڭ ورىنباسارى ايبەك وڭعاروۆ. 

ءوڭىر اكىمى ءباسپاسوز قىز­م­ە­تىنىڭ مالىمەتىنشە, وبلىس كولە­مىندە شاعىن جانە ورتا بيزنەس سۋبەكتىلەرىنىڭ سانى 60,7 بىرلىك بولسا, وسى سالادا جۇمىس ىس­تەي­تىن ازاماتتاردىڭ سانى 104,7 مىڭ. سالادا وتكەن جىلى وندى­رىلگەن ءونىم مەن كورسەتىلگەن قىز­مەت­تەر­دىڭ كولەمى 491,5 ملرد تەڭ­گەنى قۇرادى. بيۋدجەتكە تۇسەتىن سالىق تۇسىمدەرى 2023 جىلعى دەڭ­گەيى­مەن سالىستىرعاندا 1,3 ەسە ءوستى. قازىرگى كەزدە شوب-داعى جال­پى وڭىرلىك ونىمدەگى ۇلەسى 33%-دان اسادى.

شاعىن جانە ورتا بيزنەستى قارجىلىق قولداۋعا وبلىس بو­يىنشا جالپى كرەديتتىك سوماسى 14,1 ملرد تەڭگەگە 369 جوبا ماقۇل­­­دانعان. ونىڭ ىشىندە پا­يىز­دىق مولشەرلەمەنى سۋبسيديالاۋ, ءىشىنارا كەپىلدەندىرۋ, گرانت­تار بەرۋ, جوبالاردى قار­جى­لاندىرۋ, سونداي-اق ينجە­نەرلىك ينفراقۇرىلىمدى جۇر­گىزۋ قاراستىرىلعان.

جەتىسۋ وبلىسى