قىرعىزستان رەسپۋبليكاسى ىشكى ىستەر مينيسترلىگىنىڭ مالىمەتىنشە, ازاماتقا قىزمەت بابىن پايدالانىپ اسا ءىرى كولەمدە الاياقتىق جاسادى دەگەن ايىپ تاعىلعان, دەپ حابارلايدى Egemen.kz.
ۇستالعان ازامات مەملەكەتتىك قىزمەتشى بولا تۇرا, ازامات س.د.-عا اسا ءىرى كولەمدە ماتەريالدىق زالال كەلتىرىپ, ماتەريالدىق پايدا الۋ ماقساتىندا الاياقتىق جولمەن اقشا العان. بۇعان قوسا, ول وسىعان ۇقساس بىرقاتار قىلمىستاردى جاسادى دەگەن كۇدىككە ىلىنگەن.
بۇقارالىق اقپارات قۇرالدارىنىڭ حابارلاۋىنشا, ۇستالعان ازامات قىرعىز رەسپۋبليكاسى پرەزيدەنتىنىڭ بۇرىنعى ەرىكتى كومەكشىسى بولعان. وتكەن جىلدىڭ كۇزىندە قىزمەتىنەن بوساتىلعان ول ەلدەن كەتىپ, قىرعىزستان پرەزيدەنتى مەن ونىڭ ماڭايىنداعىلاردى قاتاڭ سىنعا العان.