«اسقار تاۋدىڭ ولگەنى – باسىن مۇنار شالعانى» دەپ كومەكەي اۋليە ايتقان كۇن – بۇگىن. ءدال قىس-توعىستا الىس امەريكاداعى الاشتىڭ ارىسى مۇحتار مۇقان ۇلى ماعاۋين ءوتتى ومىردەن! قانشا اۋىر حابار بولسا دا, جازمىشتىڭ جازۋىنا شاراسىزبىز…
ۇلتتىڭ ءتورت قۇبىلاسىنىڭ ءبىرى – ادەبيەت. سول قۇبىلانىڭ التىن ۇستىنى قۇلاپ ءتۇستى.
ماعاۋين قۇلدىقتا ولەسى حالدە جاتقان قازاق رۋحىن قايتا وياتقان تۇلعا ەدى. ءبىزدى تىرىلتكەن قاسيەتتى پاراق جابىلدى. ەندى مۇحتار اعام كۇلتەگىن ماڭگىتاسىنىڭ قاسىنان كەرۋلەن جاعالاپ كوشكەن التىن توعاناقتى كەرۋەندەرىمەن ماڭگى ساپارىن باستادى… قوش, باسىن مۇنار شالعان «بەلگىلى بيىك كوكسەڭگىر»! قازانىڭ ارتى قايىرلى بولسىن, قازاقيا!
سۆەتقالي نۇرجان,
اقىن, مەملەكەتتىك سىيلىقتىڭ لاۋرەاتى