قايران باۋىرىم, مۇحتار! مىنا حاباردىڭ اتى قانداي اۋىر ەدى. سەن جايناپ تۇر ەمەس پە ەدىڭ؟ جادىراپ, قىنابىنان سۋىرىلعان الماستاي جارقىراپ تۇر ەمەس پە ەدىڭ؟
التاي تاۋى تامام تاۋدان جونى بيىك بولسا, سەن قازاق ادەبيەتىندەگى جونى بيىك اسقار تاۋ ەدىڭ. اسقار تاۋدىڭ باسىن بۇلت شالىپتى عوي. جىلاتىپ قويدىڭ عوي مەنى... 92 جاسقا كەلگەن اكىم اعاڭ سەنىمەن جىلاپ قوشتاسىپ وتىر. سەنىڭ سوناۋ امەريكادان ماعان جولداعان سالەمىڭدى قايتا-قايتا كورىپ, بوركەمىكتەي ەزىلىپ وتىرمىن. قازىر جازۋشىلاردىڭ ىشىندەگى جاسى ۇلكەنى مەن عانا شىعارمىن. كوڭىل قۇلازىپ قالدى. ءوزىڭ بىلەتىن قاتال, قايسار اكىم اعاڭا مىنا حابار اۋىرلاۋ ءتيىپ وتىر. ءبىر تۇلپارعا ون جابى تاتىمايدى عوي. مىڭ قارعا ءبىر سۇڭقارعا تاتىمايدى عوي. سەنىڭ سويىڭ دا, ويىڭ دا وزىق ەدى. سوڭىڭدا قالعان قايران جۇرتىڭ, ءوزىڭ قاستەرلەپ وتكەن قازاق جۇرتىڭ امان بولسىن دەيمىن دە! قوش بول, الاشتىڭ اردا ۇلى مۇحتارىم!
اكىم تارازي,
قازاقستاننىڭ ەڭبەك ەرى, مەملەكەتتىك سىيلىقتىڭلاۋرەاتى