وڭىرلىك ساياساتتى جەتىلدىرۋ جانە وڭىرلەردىڭ تەڭگەرىمدى الەۋمەتتىك, ەكونوميكالىق دامۋىن قامتاماسىز ەتۋ ماقساتىندا ۆيتسە-پرەمەر قانات بوزىمباەۆتىڭ توراعالىعىمەن جوبالىق كەڭسە قۇرىلدى. ونىڭ قۇرامىنا بارلىق ورتالىق مەملەكەتتىك ورگان, اكىمدىكتەر, پارلامەنت دەپۋتاتتارى جانە ساراپشىلار كىردى.
ءبىرىنشى وتىرىس بارىسىندا جوبالىق كەڭسە مۇشەلەرى وڭىرلەردىڭ الەۋەتىن اشۋعا ەرەكشە نازار اۋدارا وتىرىپ, وڭىرلىك دامۋدىڭ جاڭا تاسىلدەرىن ىسكە اسىرۋ جونىندەگى شارالاردى تالقىلادى.
«وڭىرلەردىڭ الەۋەتىن تولىق پايدالانۋ قاجەت, بۇل رەتتە ەڭ ۇلكەن ينفراقۇرىلىمدىق پروبلەمالارى بار وڭىرلەر قارجىلاندىرىلۋعا ءتيىس. جوبالاردى قارجىلاندىرۋ تۇپكىلىكتى ناتيجەگە قول جەتكىزۋگە باعىتتالعانىن ەسكەرە وتىرىپ, وڭىرلەرگە بارىنشا دەربەستىك بەرۋ قاجەت. سونداي-اق سالىق تۇسىمدەرىن اسىرا ورىنداعانى ءۇشىن وڭىرلەردى كوتەرمەلەۋ قاجەت», دەدى ق.بوزىمباەۆ.
سونىمەن قاتار وتىرىسقا قاتىسۋشىلار وڭىرلەردىڭ دامۋىنداعى ديسپروپورتسيالاردى بولدىرماۋ, جاڭا ستراتەگيالىق قۇجاتتاردى ازىرلەۋ, جەرگىلىكتى جەرلەردە شەشىم قابىلداۋدا اۋدان جانە اۋىل اكىمدەرى دەربەستىگىنىڭ جەتكىلىكسىزدىگى ماسەلەلەرى بويىنشا شارالاردى تالقىلادى. جەرگىلىكتى ءوزىن-ءوزى باسقارۋدى دامىتۋ ءۇشىن «Amanat» پارتياسىنىڭ دەپۋتاتتارى مەملەكەتتىك قىزمەت ىستەرى اگەنتتىگىمەن بىرلەسىپ «اكىمدەر مەكتەبى» جوباسىن ىسكە قوسۋدى ۇسىندى.
«جوبالاردى ءتيىمدى ىسكە اسىرۋ جانە ساپالى ىرىكتەۋ ءۇشىن وبلىس اكىمدىكتەرى جەرگىلىكتى ءوزىن-ءوزى باسقارۋدى دامىتۋ جونىندەگى كىشى توپپەن بىرلەسىپ, قاجەتتى ينفراقۇرىلىم سالۋ جانە ءونىمدى وتكىزۋگە كومەك كورسەتۋ جونىندەگى ناقتى جوسپارلاردى ازىرلەي وتىرىپ, ءاربىر اۋىلدىڭ ماماندانۋىن ايقىنداي وتىرىپ, سكرينينگ جۇرگىزۋى قاجەت», دەپ تاپسىردى ق.بوزىمباەۆ.
ۆيتسە-پرەمەر جەرگىلىكتى ءوزىن-ءوزى باسقارۋ سالاسىنداعى زاڭنامانى جەتىلدىرۋ بويىنشا تاپسىرمالار بەردى.
«مەملەكەتتىك ورگاندار اراسىندا سالاارالىق ۇيلەستىرۋ ءالسىز. بۇل تاجىريبەنى جويۋ كەرەك. وڭىرلىك جانە سالالىق ساياساتتى كەلىسىلگەن ىسكە اسىرۋدى جۇرگىزۋ قاجەت. بيۋدجەتتىك باعدارلامالار مەن ينۆەستيتسيالىق جوسپارلاردى ورىنداۋ سينحروندى تۇردە جۇزەگە اسىرىلۋى ءتيىس», دەدى ق.بوزىمباەۆ.
مەملەكەتتىك ورگاندارعا ءبىر اي مەرزىمدە وڭىرلىك ساياساتتى جەتىلدىرۋدىڭ ازىرلەنگەن شارالارىن ىسكە اسىرۋدىڭ بارلىق ۇسىنىلعان شاراسى بويىنشا ۆەدومستۆولىق نورماتيۆتىك-قۇقىقتىق اكتىلەرگە تەكسەرۋ جۇرگىزۋ تاپسىرىلدى.