2025 جىلعى 1 قاڭتاردان باستاپ ەلىمىزدە حالىقتى الەۋمەتتىك قورعاۋ سالاسىندا ارناۋلى الەۋمەتتىك قىزمەتتەردى ليتسەنزيالاۋ جۇيەسى ەنگىزىلدى. بۇل ولاردى كورسەتۋ ساپاسىن جاقسارتۋعا جاعداي جاسايدى, وسى سالاداعى بۇزۋشىلىقتار سانىن ازايتۋعا وڭ ىقپال ەتەدى.
ليتسەنزيالاۋدى ەنگىزۋ – ارناۋلى الەۋمەتتىك قىزمەتتەر كورسەتۋ جۇيەسىن جاڭعىرتۋ كەزەڭدەرىنىڭ ءبىرى, ول كورسەتىلەتىن قىزمەتتەردىڭ ساپاسىن ارتتىرۋعا, كورسەتىلەتىن قىزمەتتى الۋشىلاردىڭ قاۋىپسىزدىگى مەن قۇقىقتارىن قورعاۋعا كەپىلدىك بەرۋگە, ااق ۇسىناتىن ۇيىمدار ءۇشىن بىرىڭعاي ستاندارتتاردى بەلگىلەۋگە باعىتتالعان.
ارناۋلى الەۋمەتتىك قىزمەتتەر كورسەتەتىن بارلىق مەنشىك نىسانىنداعى ۇيىمدار ليتسەنزيالانادى. ليتسەنزيا الۋدىڭ نەگىزگى شارتتارى: سانيتارلىق نورمالار مەن ءورت قاۋىپسىزدىگى ەرەجەلەرىنە سايكەس كەلەتىن ارناۋلى الەۋمەتتىك قىزمەت كورسەتۋگە جارامدى عيماراتتىڭ بولۋى, قاجەتتى ماتەريالدىق-تەحنيكالىق بازانىڭ جانە قىزمەتكەرلەر قۇرامىنىڭ بولۋى, حالىقتىڭ ءجۇرىپ تۇرۋى شەكتەۋلى توپتارى ءۇشىن عيماراتتىڭ قولجەتىمدىلىگىن قامتاماسىز ەتۋ, تاعى باسقالار.
2024 جىلدىڭ قازان ايىنان باستاپ ەحاقم الەۋمەتتىك قورعاۋ سالاسىنداعى رەتتەۋ جانە باقىلاۋ كوميتەتىنىڭ اۋماقتىق دەپارتامەنتتەرى ليتسەنزيا الدى تالداۋ جۇرگىزدى, جەرگىلىكتى اتقارۋشى ورگاندارمەن, ۇەۇ-مەن بىرلەسىپ, ااق كورسەتەتىن بارلىق ۇيىمدى ليتسەنزيالاۋعا دايىنداۋ ماسەلەلەرى پىسىقتالدى. ليتسەنزيا الۋعا ءوتىنىم الەۋمەتتىك قىزمەتتەر پورتالى (aleumet.egov.kz) ارقىلى بەرىلەدى.
ليتسەنزيالاۋ كورسەتىلەتىن ارناۋلى الەۋمەتتىك قىزمەتتەردىڭ ساپاسىن ارتتىرۋ, مۇگەدەكتىگى بار ادامداردى جانە كورسەتىلەتىن قىزمەتتى الۋشىلاردىڭ وزگە دە ساناتتارىن الەۋمەتتىك وڭالتۋدىڭ تيىمدىلىگىن كوتەرۋ ءۇشىن جاعدايلار جاسايدى, سونداي-اق وسى سالاداعى بۇزۋشىلىقتار سانىن ازايتۋعا وڭ ىقپال ەتەدى.