پرەزيدەنت قاسىم-جومارت توقاەۆتىڭ «Ana tili» گازەتىندە جاريالانعان «ماقساتىم – ەكونوميكانى جانە ەگەمەندىكتى نىعايتۋ» اتتى كەڭ كولەمدى سۇحباتىمەن زور ىقىلاسپەن تانىسىپ شىقتىم. مەملەكەت باسشىسى ادەتتەگىدەي ەلىمىزدىڭ ىشكى-سىرتقى ساياساتى, ەكونوميكا مەن بيزنەس, مادەنيەت پەن ءتىل, قارجى مەن ۆاليۋتا, زاڭ مەن ءتارتىپ, باسقا دا بىرقاتار ماسەلەنى ەگجەي-تەگجەيلى قوزعاعان.
سونىڭ ىشىندە پرەزيدەنت عىلىم مەن ءبىلىم, جاستار ماسەلەسىن ءوز جۇمىسىنىڭ باسىم باعىتى ەكەنىن تاعى دا ايشىقتاي ءتۇستى. ءسوز جوق, جاستار – قوعامنىڭ قوزعاۋشى كۇشى, ەرتەڭگى ەلدىڭ بەك تىرەگى, بولاشاقتىڭ باستاۋى, ەلىمىزدىڭ باسەكەگە قابىلەتتىلىگىنىڭ نەگىزگى فاكتورى. ال باسەكەگە قابىلەتتى بولۋ ءۇشىن وسكەلەڭ ۇرپاق ۇلىلاردىڭ ۇلاعاتتى ءومىر جولىنان ۇلگى الىپ, كەلەشەككە كەدەرگىسىز جەتۋ ماقساتىندا ايانباي ەڭبەك ەتە ءبىلۋى كەرەك. ءبىلىم ءنارى مەن ءدانىن بويعا سىڭىرۋگە ءتيىس.
ەل بولاشاعى ولاردىڭ كۇش-جىگەرىنە, پاتريوتتىق سەزىمدەرىنە تىكەلەي بايلانىستى دەسەك, قازىرگى ۇرپاقتىڭ ەلىمىزدىڭ كەمەل كەلەشەگىن نىعايتۋعا دەگەن قۇلشىنىسى زور. ەلىمىزدە ساناسى ازات, ويى سەرگەك تۇتاس ءبىر جاڭا بۋىن قالىپتاسىپ, ءوسىپ جەتىلدى. ءبىز تاۋەلسىزدىگىمىزدىڭ تاعى ءبىر بەلەسىنە جارقىن جەتىستىكتەرمەن اياق باسىپ كەلەمىز. وسكەلەڭ ۇرپاقتىڭ ەرتەڭى ءۇشىن مەملەكەت تاراپىنان ماڭىزدى شەشىمدەر قابىلدانىپ جاتىر. «بولاشاق» باعدارلاماسى ارقىلى جاستارىمىز الەمنىڭ بەدەلدى وقۋ ورىندارىندا ءبىلىمىن كوتەردى. ەلىمىزدەگى جوعارى ءبىلىم بەرەتىن وقۋ وردالارىنىڭ دارەجەسى جىل ساناپ ءوسىپ كەلەدى. جوو ءبىلىم بەرۋ باعدارلامالارى دا جاڭارىپ, الەمدىك ستاندارتتارمەن سايكەستەندىرىلدى. تاريحى تەرەڭ, مارتەبەسى جوعارى ۋنيۆەرسيتەتتەر ستۋدەنتتەرگە وسى جۇيە بويىنشا ءبىلىم بەرەدى.
بۇگىندە ءبىلىم ىزدەگەن جاننىڭ جولى اشىق. ەلىمىزدىڭ جوعارى وقۋ ورىندارى الەمدەگى ۇزدىك ۋنيۆەرسيتەتتەرى قاتارىنا باتىل ەنىپ كەلەدى. عىلىمعا قارجى ءبولۋ, وقىتۋدىڭ جاڭا باعدارلامالارى جانە عىلىمي ازىرلەمەلەردى ءىس جۇزىندە قولدانۋعا باسا نازار اۋدارىلىپ جاتىر.
سونداي-اق ستۋدەنتتەردى جان-جاقتى قولداۋ ماقساتىندا جوعارى جانە جوعارى وقۋ ورنىنان كەيىنگى ءبىلىم بەرۋ جۇيەسىن جاڭعىرتۋ ءارى رەفورمالاۋ بويىنشا اۋقىمدى شارالار قابىلدانىپ وتىر. عىلىمدى دامىتۋعا بولىنەتىن قاراجات كولەمى ارتىپ كەلەدى. وتاندىق عالىمداردىڭ ازىرلەمەلەرىن قولداۋ مەن كوممەرتسيالاندىرۋ جونىندەگى باعدارلامالار ەنگىزىلىپ كەلەدى. تۇتاستاي العاندا, ءبىلىم بەرۋ جۇيەسى مەن عىلىم سالاسى عىلىمي-تەحنولوگيالىق پروگرەسس سۇرانىستارىنان تۋىندايتىن سەرپىندى دامۋ ساتىسىندا تۇر.
ەڭ الدىمەن, بەرەكە-بىرلىگى, ىنتىماعى جاراسقان جاستارىمىز ورتاق ماقساتقا ۇيىسقان ۇلت ەشقاشان ۇتىلمايتىنىن, ەشتەڭدەن قۇر قالمايتىنىن تۇسىنگەن. سەبەبى ولار ەلدىڭ تۇتاستىعى بەرەكە-بىرلىكتەن باستالاتىنىن جاقسى بىلەدى.
ەرلان سىدىقوۆ,
ۇعا اكادەميگى