مەملەكەت باسشىسى قاسىم-جومارت توقاەۆ «Ana tili» گازەتىنە بەرگەن سۇحباتىندا ەكونوميكانىڭ دامۋىن قامتاماسىز ەتۋ جانە ازاماتتاردىڭ ءال-اۋقاتىن ارتتىرۋ جونىندە بىرقاتار مىندەتتى ايقىندادى. وسىعان وراي پرەمەر-مينيستر ولجاس بەكتەنوۆ پرەزيدەنتتىڭ تسيفرلى تەحنولوگيالاردى دامىتۋ جونىندەگى تاپسىرمالارىنىڭ ورىندالۋ بارىسىمەن تانىسۋ ماقساتىندا ەكسپو اۋماعىنداعى پاۆيلون-سفەراعا باردى.
«Astana Hub» باس ديرەكتورى ماعجان ماديەۆ جاساندى ينتەللەكت ورتالىعى بولاتىن بىرىڭعاي تسيفرلىق حاب قۇرۋ جۇمىستارىنىڭ بارىسىنا توقتالدى. يندۋستريالىق ەڭبەك نارىعىندا سۇرانىسقا يە وتاندىق كادرلار دايارلاۋعا, سونداي-اق ءبىلىم مازمۇنىن ازىرلەۋگە ەرەكشە كوڭىل ءبولىندى.
پرەمەر-مينيستر جي دامۋىنىڭ پراكتيكالىق تۇرعىدان ناقتى پايداسىن اتاپ ءوتىپ, تەحنولوگيالىق شەشىمدەردى اۋقىمدى ەنگىزۋ ءبىرىنشى كەزەكتە ەل ازاماتتارىنىڭ ءومىر ءسۇرۋ ساپاسىنا وڭ اسەر ەتۋگە ءتيىس ەكەنىن اتاپ ءوتتى.
«مەملەكەت باسشىسى سۇحباتىندا ۇكىمەت الدىنا ەكونوميكالىق ءوسۋدى قامتاماسىز ەتۋ جانە ازاماتتاردىڭ ءال-اۋقاتىن ارتتىرۋ مىندەتىن قويدى. ءبىز ءونىمدى جۇمىس ورىندارىن قۇرۋعا, سول ارقىلى ەلىمىزدىڭ بارلىق وڭىرىندە وتباسىلاردى تۇراقتى تابىسپەن قامتۋعا مۇمكىندىك بەرەتىن شيكىزاتتىق ەمەس دامىعان سالالارى بار ءوزىن-ءوزى قامتاماسىز ەتەتىن ەكونوميكاعا ۇمتىلىپ وتىرمىز. ەلىمىزدە GovTech جانە IT سالاسى تابىستى دامىپ كەلەدى جانە ونى جالعاستىرۋ قاجەت. جالپى, تسيفرلى ەكونوميكا ءوسۋدىڭ ماڭىزدى ءارى سەرپىندى نۇكتەلەرىنىڭ بىرىنە اينالۋعا ءتيىس», دەپ باسا ايتتى و.بەكتەنوۆ.
پرەزيدەنت سۇحباتىندا اتاپ وتىلگەندەي, ۇكىمەتتىڭ باسىم مىندەتتەرى ەكونوميكانىڭ ورنىقتىلىعى مەن تيىمدىلىگىن قامتاماسىز ەتۋ, ناقتى سەكتوردى سەرپىندى دامىتۋ, ەڭبەك ونىمدىلىگىنىڭ ءوسۋى, ساپالى جۇمىس ورىندارىنىڭ ۇلعايۋى بولىپ قالا بەرەدى. پرەمەر-مينيستر اتالعان مىندەتتەردى ورىنداۋدا ۇكىمەت ءتيىستى ءىس-شارالاردى جۇزەگە اسىراتىنىن اتاپ ءوتتى.